Serokkomar: YNK hêzek neteweyî ya pêşeng e û bi bandor mafên gel parastiye

Ragihandina Serokkomar

Serokkomarê Îraqê

Serokê Komar Nîzar Amêdî, salvegera 51emîn a damezrandina Yekîtiya Niştimanî ya Kurdistanê (YNK), pîroz kir. Wî tekez kir ku YNK hêzek siyasî ya neteweyî ya pêşeng e ku bi bandor beşdarî parastina mafên gel û pêşvebirina nirxên azadî, demokrasî û edaletê bûye. Wî her wiha rola dîrokî ya Serok Mam Celal di avakirina bingehên Îraqek demokratîk, piralî û federal de bi bîr xist.

Herweha serokkomar pîrozbahiyên xwe yên germ û silavên herî baş pêşkêşî Serokê YNKê Bafil Celal Talebanî û serkirdayetiya partiyê, endam û alîgirên wê kir. Û got dîroka dewlemend a têkoşînê ya ku ji damezrandina wê ve di bin serokatiya rêberê neteweyî yê mezin, Serok Celal Talebanî yê rehmetî de daye, bi bîr tînim.

Zêdetirî pênc dehsalan e, YNK hêzek siyasî ya neteweyî ya pêşeng e ku bi bandor beşdarî parastina mafên gel û pêşvebirina nirxên azadî, demokrasî û edaletê bûye. Navê wî bi kêliyên girîng ên dîroka Îraqa nûjen ve jî girêdayî ye.
Amaje bi wê yekê jî kir ku bi vê boneyê, em rola dîrokî ya Serokkomarê rihmetî Mam Celal Talebanî bi bîr tînin, ku jiyana xwe ji bo xizmetkirina armancên gel û neteweya xwe terxan kiribû. Bi aqilmendî û nêrîna wî ya siyasî Îraqek demokratîk, piralî û federal ava bû û çanda diyelogê û lihevkirinê di navbera pêkhateyên cuda de xurt kir.

Dema ku em vê boneya hêja bi gelê xwe re parve dikin, em baweriya xwe bi rola neteweyî ya (YNK) di piştgiriya pêvajoya demokratîk û xurtkirina hevkariya neteweyî de, bi awayekî ku xizmeta hêviyên hemî Îraqiyan ji bo pêşerojek ewletir, aramtir û geştir bike, diyar dikin.

Silav û rêz ji bo şehîdên YNKê û malbatên wan, yên ku ji bo prensîbên neteweyî û mirovî yên ku baweriya wan pê dihat, canê xwe feda kirin û bi qurbanîdana mezin beşdarî têkoşîna azadî, demokrasî û mafên gelê xwe bûn.

PUKMEDIA