Ji bo şerê li dijî gendeliyê, Elî Zeydî fermana lêpirsînek li ser peymanan dide

Ragihandina serokwezîr Elî Zeydî

Serokwezîrê Îraqê Elî Zeydî

Serokwezîrê Îraqê Elî Falih Zeydî aliyên peywendîdar û dezgehên taybetmend ên sepandina qanûnê raspard ku demildest dest bi rênimayiyên lêkolînê di çend peymanên girîng ên berê yên wezaret û saziyan de bikin, bi armanca cîbicîkirina bernameya wezaretê di çarçoveya proseya rûbirûbûna gendeliyê û parastina milkê giştî de.

Nivîsgeha Ragihandinê ya Serokwezîrê Îraqê, îro pêncşemê 28ê Gulana 2026an di daxuyaniyekê de ragihand: Ji bo cîbicîkirina bernameya wezaretê di çarçoveya proseya rûbirûbûna gendeliyê û parastina milkê giştî de, aliyên peywendîdar û dezgehên taybetmend ên sepandina qanûnê raspard ku demildest dest bi rênimayiyên lêkolînê di çend peymanên girîng ên berê yên wezaret û saziyan de bikin.

Di daxuyaniyê de hatiye diyarkirin ku armanc piştrastbûna ji guncandina van peymanan ligel qanûn û rênimayan û parastina berjewendiya giştî ye; ev jî wek amadekariyekê ye ji bo eşkerekirina kêmasiyan, destnîşankirina serpêçîkeran û lêpirsîna ligel wan kesên ku bûne sedema ziyan gihandina bi milkê giştî, her weha eşkerekirina wan kesên ku li ser hesabê berjewendiya giştî ji van peymanan sûdmend bûne.

Serokwezîrê Îraqê her weha tekez kir ku divê encamên lêkolînan di zûtirîn dem de bên amadekirin û radestî deshilata dadwerî ya taybetmend bên kirin, bi armanca parastina milkê giştî, sizadana serpêçîkeran û radestkirina wan ji dadgehê re.


PUKMEDIA