Şerê di navbera Amerîka û Îranê de dest pê dike

PUKMEDIA

Alayên Amerîka û Îranê

Berbanga sibeha vê pêncşemê, alozî û şerê leşkerî ya di navbera Dewletên Yekbûyî yên Amerîka (DYA) û Komara Îslamî ya Îranê de gihîşt qonaxeke nû, piştî ku her du aliyan rasterast êrîş birin ser çeperên hevdu yên li Tengava Hormizê û di nav Îranê de.

Artêşa Amerîkayê piştrast kir ku hêzên wan êrîşeke leşkerî birine ser bajarê Bender Ebbasê yê li başûrê Îranê. Di heman demê de, ajansa fermî ya Îranê "Fars" ragihand ku sîstemên parastina asmanî yên welat li derdora Tengava Hormizê ji bo rûbirûbûna êrîşan hatine aktîfkirin.
Wekî bersivdanekê li ser vê yekê, Supaya Pasdarên ya Îranê ragihand ku wan binkeyeke asmanî ya hêzên Amerîkayê ya li herêmê bombebaran kiriye, lê belê Pîntagonê heta niha tu daxuyaniyeke fermî derbarê qebareya ziyanên wê binkeyê de neda ye.
Ev aloziya ji nişka ve, ji ber girîngiya stratejîk a Tengava Hormizê, bû sedema bilindbûna bihayê petrolê di bazarên gerdûnî yên enerjiyê de.

PUKMEDIA