El Hîlalî:Beriya Cejna Qurbanê hejmarek girtî serbest tên berdan

Kurdistan 04:03 PM - 2026-05-20
Ehmed El Hîlalî Cîgirê Parêzgarê hesekê Medya

Ehmed El Hîlalî Cîgirê Parêzgarê hesekê

Rojavayê Kurdistanê

Cîgirê Parêzgarê hesekê ragihand di demeke kurt de 1500 Malbat din ji deverên ser bi parêzgeha Hesekê dê vegerin Efrînê , her weha beriya Cejna Qurbanê hejmarek girtiyên din serbest dê bên berdan.

Ehmed El Hîlalî Cîgirê Parêzgarê Hesekê ragihand ku di çarçoveya Rêkeftina 29ê Kanûna Duyem ya sala 2025 an de ya di navbera Hêzên Sûriye Demokratîk (HSD) û Hikûmeta Demkî ya Sûriyê de hatiye îmzekirin, pêvajoya vegera malbatên koçberên Efrînî ji bo bajarê xwe berdewam e,piştî vegera pênc karwanan di dema berê de, amadekariyên şandina karwana şeşemîn berdwam in.

El Hîlalî got: Em amadekariyê dikin ji bo karwanek din ya koçberên  Efrînî ji herêmên Dêrik û Qamîşlo yên parêzgeha Hesekê vegerin gund û bajarokên xwe ku zêdetirî 1500 malbat in.

El Hîlalî derbarê girtiyan daxuyand ku karwana dawî ya dîlgirtiyan dê beriya Cejna Qurbanê dê werin berdan lê hîna jî derbarê hejmara girtiyan de çi agahiyên zelal nînin.

Ev yek di demekê de ye ku, karwana yekem ya ji 623 malbatan pêk dihatin, ji herêma Kobanî duh roja Sêşemê rêkefta (19ê Gulanê) ber bi bajarê Efrîn ve çû û gihîştin cih û warên xwe.

Heya niha çar karwan gihîştine sînorê herêma Efrîn ku bi vî awayî ne:

*Roja 9ê Adarê: 400 malbat.

* Roja 4ê Nîsanê: 200 malbat.

* Roja 14ê Nîsanê: 800 malbat.

* Roja 9ê Gulanê: Nêzîkî 1,000 malbat.


Piştî ku Hêzên Çekdar yên Turkiyê (TSK) û Artêşa Azad ya Sûriyê (ASA) piştî berxwedana 58 rojan ya şervan û xelkê Efrînê, roja roja 18ê Adara 2018an navenda bajarê Efrînê dagîr kirin, bi sed hezaran akinciyên Efrînî neçar man ku koçber bibin.

PUKMEDIA



zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket