Trump kuştina fermandarê duyem ê DAIŞê ragihand

Businesstoday

Serokê Amerîka Donald Trump

Serokê Amerîka Donald Trump kuştina fermandarê duyem yê terorîstên DAIŞ li Nêcîriyayê ragihand û got: Me li hemû cîhanê jêderên me hene û kes nikare ji destê me bireve.

Donald Trump roja Înê ragihand, fermandarê duyem yê DAIŞê li ser astê cîhanê (Ebû Bîlal El Mînukî) di operasyonekê de ku hêzên Amerîka û hêzên Nêcîriyayê pêkanîn hate kuştin.

Trump got jî: Hêzên wêrek yên Amerîkayê û hêzên çekdar ên Nêcîriyayê bi bê kêmasî erkekî hûr û plankirî û gelekî aloz cîbicî kirin ji bo tunekirina aktîvtirîn terorîst li cîhanê li eniyên şer, ku ew jî Ebû Bîlal El-Mînukî ye, ku fermandarê duyemîn yê DAIŞê ye li ser astê cîhanê, ku wî dizanî wê xwe bikare li Afrîqayê veşêre lê nedizanî ku jêderên me li hemû cîhanê hene.

Ebû Bîlal El Mînukî di sala 2023`an de ji aliyê rêveberiya Joe Biden ve bi `terorîstê cîhanî yê taybet` dihat binavkirin û duh di operasyoneke serkeftî de hat kuştin.

PUKMEDIA