Pênc mercên Îranê ​​ji bo danûstandinên digel Amerîka

AJANS

Alên Amerîka û Îran

Li gorî Ajansa Nûçeyan ya Fars, Îran daxwaz dike ku Amerîka berî destpêkirina gera duyemîn ya danûstandinan pênc mercên sereke bicîh bîne, ku di nav de bidawîanîna şer,rakirina dorpêçan,berdana mal û milkên cemidî.

Li gorî raporta Ajansa Nûçeyan ya Fars rêveberiya Tehranê berî destpêkirina gera duyemîn ya danûstandinan daxwaza avakirina baweriyê û garantiyên berbiçav dixwaze.

Li gorî çavkaniyek agahdar, mercên ku Îranê pêşkêş kirine wiha hatine rêzkirin:

-Bidawîanîna şer li hemû eniyan cengê, bi taybetî li Lubnanê.

-Hemû dorpêçên li ser Îranê werin rakirin.

-Serbestberdana mal û milkên Îranî yên li derveyî welêt hatine cemidandinê

- Qerebûkirina zirarên ku ji ber şer çêbûne.

- Naskirina fermî ya serweriya Îranê li ser Tengava Hurmuzê.

Hikûmeta Îranê pêşniyarên berê yên Amerîka jî red kiriye, bi behaneya ku ev pêşniyar yekalî bûn û tenê ji bo berjewendiyên Washingtonê xizmetê dikin.

PUKMEDIA