38 Aliyên Rojava tekez li ser bi destûrkirina zimanê Kurdî dikin

Hawar News

Dîmenek ji Kongreya Rojnamevaniyê

Di Kongreyeke Rojnamevaniyê de 38 tevger û partiyên li Sûriyê daxuyaniyek dan raya giştî û ragihandin ku her projeyeke nîştimanî li Sûriyê ne li ser bingehê paşguhkirinê, lê li ser bingehê tevkariya rasteqîn û hevdu pesendkirin tê avakirin û daxwaz kirin ku mafên çandî û neteweyî yên gelê Kurd di destûrê de werin parastin.

Di daxuyaniyê de hate gotin, zimanê Kurdî zimanekê gelekî resen e ku ji hezarên salan ve li ser vê axê dijîn, her wiha rihê neteweyekê ye ku îmha nabe û Kurdan bi xwîna xwe û hafîzeya xwe parastina wê ji hewldanên bişaftinê kirine.

Di dewama daxuyaniyê de hate destnîşankirin ku naskirina zimanê kurdî wekî zimanekî fermî li kêleka zimanê Erebî gefê li ser yekparbûna welat çênake, lê ew pêngaveke girînge ji bo pêşxistina tevkariya nîştimanî, nirxên dadperweriyê û welatîbûnê wekhev ye.

Partî û tevgeran nêzîkatiyên hikumeta demkî ya rakirina nivîsa Kurdî li ser tabeleya Koşka Dadweriyê ya Hesekê şermezar kirin û diyar kir ku ev nêzîkat nîşanî hişmendiya dûrxistinê ye û ne li gorî rewşa pirrengiya neteweyî û çandî li Sûriyê ye her weha ew jî li dijî biryara 13'an a têkildarî parastina taybetmendiyên gelê Kurd e her weha ev nêzîkatî li dijî bendên Peymana 29'ê Çileyê ye.

 Di daxuyaniyê de amaje bi wê yekê kirin ku rêzgirtina li mafên çandî û neteweyî yên gelê Kurd, di serî de mafê bikaranîna zimanê dayikê li sazî û qadên giştî ne îmtiyazek e ku tê dayîn, lê mafek xwezayî û rewa ye ku ji hêla prensîbên dadperwerî, mafên mirovan û nirxên jiyana rasteqîn ya di navbera pêkhateyên welat de tê garantîkirin.

Di dawiya daxuyaniyê de hate diyarkirin ku divê zimanê kurdî û tevahî mafên gelê Kurd li gorî yasayên navneteweyî di destûra Sûriyê de werin pesendkirin û hate gotin:Her projeyek neteweyî ku dixwaze Sûriyeyek aram, pir alî û nenavendî ava bike, nikare li ser hişmendiya înkar û dûrxistinê were avakirin

*Partî û tevgerên ku daxuyanî dane ev in:

1-Kongreya Neteweyî ya Kurdistanê (KNK)
2-Partiya Yekitiya Demokratîk (PYD)
3-Partiya Kesk ya Demokrat
4-Partiya Aştiya Demokrat ya Kurdistanê
5-Partiya Lîberal ya Kurdî li Sûriyeyê
6- Partiya Komunîst ya Kurdistanê
7-Partiya Demokrat ya Kurdistan- Sûriye (PDK-S)
8-Partiya Demokrat a Kurdî ya Sûriye
9-Partiya Çep ya Kurd li Sûriyê
10-Partiya Çep ya Demokrat a Kurd li Sûriyê
11-Partiya Sûriye ya Pêşerojê
12-Partiya Guhertina Demoqrat ya Kurdistanê
13-Tevgera Nûjen ya Kurdistanê-Sûriya
14-Yekitiya Karkerên Kurdistanê (YKK)
15-Heyet El Weteniye El Erebiye (Desteya Nîştimanî ya Erebî)
16-Partiya Pêşxistin û Avakirin a Sûriyê
17-Partiya Rêkeftina Demokrat ya Kurdî li Sûriyê
18-Tevgera Îslah- Sûriyê
19-Partiya Asûrî ya Demokrat
20-Partiya Biratiya Kurdistan (PBK)
21-Partiya Roj ya Demokratîk li Sûriyê
22-Tevgera Civaka Demokratîk (TEV-DEM)
23-Kongra Star
24-Partiya Muhafizkaran
25-Partiya Têkoşîna Demokrat
26-Şepêla Pêşeroj ya Kurdistanê
27-Partiya Demokrat  ya Kurdistanê-Rojavayê Kurdistanê
28-Tevgera Guhertina Demokratîk
29-Yekitiya Ermenî
30-Partiya Kombûna Nîştimanî ya Kurdistanê
31-Partiya Demokrata Kurd li Sûriyê (Partî(
32-Partiya Yekitiya Demokrat ya Kurdî li Sûriye
33- Partiya Çep ya Şoreşgerî ya Sûriyeyê
34-Partiya Soraya
35- Partiya Muhafizkaran ya Kurdistanê
36- Partiya Kombûna Demokrat ya Sûriyeyê
37- Şepêla Sûrî ya Çeksaziyê
38-Partiya Pêşxistina û Avakirinê ya Sûriyê.

PUKMEDIA