Li çiyayê Kanlaon ya Fîlîpînê volqanek teqiya

En Son Haber

Dîmenek ji Volkana çiyayê Kanlaonê

Teqînek li Çiyayê Kanlaon li Fîlîpînan ewrek xwelîyê bi sedan metreyan ber bi hewayê ve avêt,rayedaran şêniyên herêmê li ser xetera teqînên din hişyar kirin.

Çalakiya volkanîk careke din li Fîlîpînê, ku li ser Xeleka Agir ya Pasîfîkê ye, eşkere bûye. Teqîna îro sibê li Çiyayê Kanlaon li Girava Negros li herêmê bûye sedema fikaran.

Li gorî agahiyan, teqîna li Çiyayê Kanlaon ewrek xwelîyê bi qasî 800 metreyan bilind kir,rayedaran diyar kirin ku di 24 demjimêrên dawî de gelek rijandina xwelî û lerzînên volkanîk li volkanê hatine tomar kirin.

Enstîtuya Volkanolojî û Sîsmolojiyê ya Fîlîpînê diyar kir ku volkan di asta hişyariya 2an de ye,ev ast nîşan dide ku çalakiya volkanîk berdewam e û egera teqînên din jî heye.

Rayedaran diyar kirin ku çalakiya li volkana Kanlaonê bi baldarî tê şopandin û li gorî pêşketinan dibe ku tedbîrên nû werin girtin,ji xelkê herêmî hatiye xwestin ku hişyariyên fermî bişopînin.

PUKMEDIA