Macron xelata Lejyonê Rûmetê diyarî Nadiye Murad kir

Şefeq News

Di merasîmekê de Macron xelata Lejyonê Rûmetê dide Nadiya Murad

Nadiye Murad, çalakvana mafên mirovan û xwediyê Xelata Aştiyê ya Nobelê, di merasîmekê de ku roja Sêşemê li Qesra Élysée hate lidarxistin, xelata Lejyonê Rûmetê ji Serokê Fransayê Emmanuel Macron wergirt.

Nîşana Lejyonê ya Rûmetê xelata neteweyî ya herî bilind li Fransa ye, ku ji kesên ku xizmet û beşdarîyên wan pabendbûnek bêhempa ji bo nirxên rûmet, dadperweriyê û mirovahiyê nîşan didin re tê dayîn.

Nadiya got: Ez ji Serok Fransa Emmanuel Macron û gelê Fransî re ji bo vê rûmetê spasdar im ji berk u Fransa di rawestana li kêleka kesên hatine rizgarkirin û pêşxistina dadpereweriyê de serokatiyek rastîn nîşan da.

Her weha Nadiye Murda got: Ev rûmet ne tenê ji bo min e, lê ji bo her kesê ku sax maye û dengê xwe derxistiye û ji bo her kesê ku ji bo dadperweriyê  û ji nû ve avakirina jiyana xwe têdikoşe ye.

Di merasîmê de, serokê Fransa wêrekiya Nadiye Murad û hewldanên wê yên cîhanî ji bo pêşxistina lêpirsînê, hêzdarkirina kesên rizgarbûyî, û piştgiriya civakên ku ji şer bandor bûne, di nav de rola wê di eşkerekirina tawan û binpêkirinên DAIŞê de, pesnê wê da.

Li gorî Macron, xebata wê di avakirina tevgereke navneteweyî ya mezinbûyî de jî beşdar bûye ku balê dikişîne ser bidestxistina dadperweriyê û pêşîgirtina li tundûtûjiya têkildarî şer.

Nadiye Murad yekem jina Îraqî ye ku vê rûmetê werdigire.

PUKMEDIA