Pakistan bo Trump:Li dijî Îranê gotinên tund bikar neyne

Medya

Pakistan di navbera Îran û Amerîka de navbeynkariyê dike

Berpirsekî Pakistanî dibêje ku welatê wîdaxwaz  ji Serokê Amerîkayê Donald Trump kiriye ku li dijî Îranê gotinên tund bikar neyne, ji ber ku Îslamabad dixwaze di navbera Tehran û Washingtonê de navbeynkariyê bike.

Rojnameya Washington Post li ser zarê ew berpirsê Pakistanî belav kiriye ku,Îslam Ebadê peyamek ji bo Donald Trump şandiye û hişyarî daye wî ku di medyayê de gotinên tund bikar neyne.

Wê rojnameyê amaje bi wê yekê kiriye ku, Pakistan, ku mêvandariya gereke nû ya danûstandinan di navbera Washington û Tehranê de dike,hewldanên xwe zêde kiriye daku serokê Amerîka razî bike ku ji danûstandinên tehdîdkar dûr bisekine daku her du welat bikaribin li ser nakokiyên xwe lihevkirinekê bikin.

Pakistan hewl dide ku rola xwe ya navbeynkar bikar bîne daku pêgeha xwe ya navneteweyî xurt bike, her çend rastî astengiyan hatibe jî.

Ev yek jî di demekê de ye ku, Karbidestên payebilind yên Amerîkî û Îranî roja 11ê Nîsana 2026an de gihîştin Îslam Ebad ya paytexta Pakistanê ji bo danûstandinan ji bo bidawîanîna şerê şeş hefteyî,lê Tehran guman xist li ser danûstandinan, û dibêje ku ew bi bê pabendbûnên pêşwext yên derbarê Libnanê û rakirina sizayan nikarin pêşve biçin.

PUKMEDIA