Serokkomar:Divê malbatên qurbaniyên Enfalê bên qerebûkirin

Serokatiya Komarê

Nîzar Amêdî, Serokkomarê Îraqê

Di salvegera 38.emîn ya komkujiya Enfalê de, serokkomarê Îraqê daxwaza qerebûya madî û exlaqî ji malbatên qurbaniyan re kir û tekezî li ser ji nû ve avakirina deverên ku ji ber êrîşan wêran bûne kir.

Serokkomarê Îraqê Nîzar Amêdî di salvegera 38emîn ya komkujiya Enfalê ya 1988an de daxuyaniyek belav kir û ragihand ku, di karesatê de zêdetirî 182 hezar zarok, mêr û jinên kal ên gelê Kurd bûne qurbanî, serokkomar kempîna Enfalê wekî yek ji tawanên herî hovane yên qirkirinê di dîroka nûjen de bi nav kir, ku birînên wê yên bi êş hîn jî di wijdanê mirovahiyê de mane.

Bi boneya vê karesatê, Nîzar Amêdî daxwaz ji hikûmetên federal û Herêma Kurdistanê kir ku hewlên xwe ji bo lêgerîna rûfatên hemû şehîdan di gorên komî de û vegerandina wan bo xizmên wan zêde bikin.

Her di Di daxuyaniya xwe de, serokkomar tekezî li ser pêwîstiya qerebûkirina ziyana mirovî û madî ya malbatên qurbaniyan kir, ev jî piştî wê yekê tê ku,Dadgeha Bilind ya TawanAn ya Îraqê Enfal wekî tawanek jenosîd û tawanên li dijî mirovahiyê nas kir.

Serokkomarê Îraqê her wiha daxwaza lênêrîna bêtir ji bo kesên ku ji bandorên çekên qedexekirî yên navneteweyî êş dikişînin kir.

Hevdem destnîşan kir ku divê deverên ku ji ber kempînên Enfalê bandor bûne bi bingehîn ji nû ve werin avakirin, daku xizmetgpzarî bikaribin bigihîjin cihên ku di demên berê de wêran bûne.

Di dawiyê de jî, Serokkomarê Îraqê Nîzar Amêdî tekez li ser girîngiya xurtkirina yekîtî û hevgirtinê di navbera hemû pêkhateyên gelê Îraqê de kir,ku parastina destkeftiyan û parastina sîstema demokratîk tekane riya bidestxistina pêşerojeke baştir e ku têde dadmendî, aştî û serfirazî ji bo hemû welatiyan peyda dibe.

PUKMEDIA