Fireksiyona YNK daxwaza beşdarbûna hemû endaman dike ji bo rûniştina hilbijartina serokkomar

PUKMEDIA

parlemento

Fraksiyona Yekîtiya Niştimanî ya Kurdistanê (YNK) di Parlamentoya Îraqê de tekez li ser pêwîstiya lidarxistina civîna parlamentoyê ya siba Şemiyê 11ê Nîsana 2026an, ku ji bo hilbijartina Serokê Komarê ye kir. Fraksiyonê tekez kir ku nelihev kirina nabe bibe sedemek ji bo astengkirina bicihanîna pêdiviyên destûrî.

Di daxuyaniyekê de ku PUKMEDIAyê kopiyek jê wergirtiye de, fraksiyona parlamentoyê ya YNKê bang li hemû endamên Parlamentoyê kir ku ji bo pêkanîna daxwazên gel û xurtkirina pêvajoya siyasî beşdarî rûniştinê bibin.

Naveroka daxuyaniya fraksiyona YNKê wiha ye:

Di nav vê rewşê heyî yê ku welat pê re rû bi rû ye û di bersiva pêdiviyên destûrî yên ku gelê Îraqê li bendê ye, fraksiyona YNKê di Parlamentoyê de tekez li ser pêwîstiya lidarxistina civîna parlamentoyê ya siba Şemiyê dike, ji bo temamkirina girîngtirîn hewcedariya destûrî girêday hilbijartina Serokê Komarê. Ji bo çareserkirina vê mijarê dem hatiye dayîn. Nakokî divê nebe sedemek ji bo astengkirina temamkirina pêdiviyên destûrî, ku kevirê bingehîn ê çalakkirina saziyên dewletê û misogerkirina aramiya siyasî û aborî ne.

Derengxistina qedandina posta serokwezîrê nû dewletê felç dike û dibe sedema komkirina dosyayên aborî, xizmetguzarî û ewlehiyê ku rasterast bandorê li jiyana welatiyan dikin. Welatiyên Îraqî ji Encûmena Nûneran hêvî dikin ku berpirsiyariyên xwe yên destûrî bicîh bîne da ku pirsgirêkên ku Îraq hem li hundir û hem jî li derveyî welat pê re rû bi rû ye çareser bike, şert û mercên jiyanê baştir bike û derfetên kar biafirîne.

Ji ber berpirsiyariya neteweyî, fireksiyona YNK di parlementoyê de ji hemî endamên parlementoyê dixwaze ku beşdarî rûniştina sibê, roja Şemiyê, 11ê Nîsanê bibin, da ku hêviyên gelê me bicîh bînin û pêvajoya siyasî û demokratîk a ku li ser xwîna paqij û qurbaniyên gelê me ji bo Îraqê û azadiya welatiyên wê hatiye damezrandin, xurt bikin.

Fireksiyona Parlementoyê ya YNKê
10ê Nîsana 2026an


PUKMEDIA