Trump: Geşbînim bi rêkeftina aştiyê digel Îranê

Ajans

Serokê Amerîka Donald Trump

 Serokê Amerîkayê Donald Trump ji bo peymana aştiyê ya bi Îranê re geşbîne û tekez dike ku êrîşên Îsraîlê yên ser Libnanê dê kêm bibin.

Trump di daxuyaniyeke rojnamevaniyê de ragihand ku ew ji bo peymana aştiyê ya bi Îranê re geşbîne, serkirdeyên Îranê bi jîrane tevdigerin û dizanin çi pêwîste encamp bidin.

Têkildarî êrîşên Îsraîlê yên li ser Libnanê, Serokê Amerîkayê diyar kir ku wî bi Serokwezîrê Îsraîlê Benjamin Netanyahu re xeber daye, ew karên xwe bi aramî dimeşîne û êrîş jî dê kêm bibin.
Li aliyê din, Wezîrê Derve yê Îranê Abbas Îraqçî ragihand ku heke Amerîka dixwaze ziyan bigahîje aboriya wê, bila rê bide Netanyahu ku hewldanên dîplomatîk têk bibe.

Got jî Amerîka dikare rê bide Netanyahû ku astengan li pêşiya hewildanên dîplomatîk çêbike, lê bi baweriya min ev ne bijarteyeke jîre , tevî vê yekê em ji bo her egerekê amade ne.

Her wiha amaje bi wê yekê kir ku agirbest dê tevahiya herêmê bigire nav xwe, şerê Libnanê jî tê de.
Ev di demekê de ye ku şerê Amerîka û Îsraîlê yê li dijî Îranê di 28.02.2026an de dest pê kir û piştî 39 rojên şer, di 08.04.2026an de agirbesteke du hefteyî ragihandin, biryar e roja şemiyê jî li Îslamabada Pakistanê danûstandinên aştiya mayînde encam bidin.


PUKMEDIA