Qubad Talebanî:Hewldanên me parastina Kurdistanê bû

Ragihandina Qubad Talebanî

Civîna Qubad Talebanî digel Konsulên Giştî yên Fransa û Îtalya

Qubad Talebanî Cîgirê Serokwezîr bi Konsulê Giştî yê Fransa Jan Brem û Konsulê Giştî yê Îtalya li Herêma Kurdistanê Thomas Sansoni re bi awayekî cuda civiya û di her du civînan de nêrîn hatin pevgherîn derbarê rewşa aloz ya navçeyê û bandora wê li ser Îraq û Herêma Kurdistanê.

Di herdu civînên ku roja Yekşemê, 5ê Nîsana 2026an, li Serokatiya Civata Wezîran li Hewlêrê hatin lidarxistin de, Qubad Talebanî ragihand ku, her çende vî şerî bandorek neyînî li ser tevahiya herêmê, bi taybetî jî li ser Îraq û Kurdistanê kiriye, lê hemû hewldanên serkirdayetiya siyasî ya Kurd ew bû ku Herêma Kurdistanê û Îraqê biparêze û vê serdema dijwar bi kêmtirîn zirarê derbas bike.

Cîgirê Serokwezîr got: Di vê rewşê de, wan hemû hewla xwe dane daku saziyên hikûmetê bi bandor û bihêz bimînin û xizmetên xwe ji welatiyên Kurdistanê re pêşkêş bikin.

Her di vê çarçoveyê de, Qubad Talebanî pêwîst dît ku medyaya navxweyî û navneteweyî bi berpirsiyarî bi bûyeran re mijûl bibin û parastina ewlehiya neteweyî û malên welatiyan li ber çavan bigirin û ji weşandina her gotarek ku dibe sedema tirs û fikaran dûr bisekinin.

Derbarê peywendiyên di navbera Herêma Kurdistanê û hikûmeta federal de jî, Cîgirê Serokwezîr ragihand ku ew ji bo çareserkirina pirsgirêk û nakokiyan kar dikin daku di navbera her du aliyan de diyalogek avaker hebe.

PUKMEDIA