Rojnameya The Telegraph pesna Serok Bafil û Qubad Talebanî dide

PUKMEDIA

Serok Bafil û Qubad Talebanî

Rojnameya Brîtanî (Telegraph) di raporek berfireh de pesnê rola Serok Bafil û Qubad Talebanî dide û dibêje: Herdu bira, ku li Brîtanya mezin bûn, roleke bêhempa lîstin di dûrxistina Herêma Kurdistanê ji şerê Amerîka-Îranê de, û rê li ber wê girtin ku Kurd wekî serkêşên êrîşên bejayî li dijî Tehranê werin bikaranîn.

Li gorî rojnameya Telegraph, tenê du roj piştî destpêkirina şerê Amerîka li dijî Îranê, Donald Trump bi rêya telefonê rasterast bi Bafil Celal Talabenî re axivî, ev têkilî bû sedema gotegotan ku Amerîka dixwaze bi rêya komên çekdar yên Kurd êrîşeke bejayî li ser Îranê bike, lê nêrînên Bafil Celal Talebanî û Qubad Talebanî bi tevahî ji hev cuda bûn.

Rojanameya Birîtanî aşkere kir ku herdu bira, ku li Croydonê wek penaber mezin bûn, niha serokê Yekîtî ya Niştimanî ya Kurdistanê (YNK) û Qubad Talebanî, cîgirê serokwezîrê Hikûmeta Herêma Kurdistanê ne û ji ber perwerdehiya wan ya Ewropî, ew dikarin bi zimanekî ku hem Rojava fêm dike biaxivin û hem jî bi Tehranê re hevsengiyê biparêzin.


Raport her wiha li ser nakokiyên di navbera her du birayan de nîqaş kir û Bafeil Celal Talebanî wekî pisporek di stratejiya leşkerî û çav-dîtinek wesifand, ji aliyê din ve, Qubad Talebanî wekî kesekî "rêxistinkirî û îdarî" xuya dike,ev her du aliyan ew karîbûn di heman demê de bi cîhanê û herêmê re mijûl bibin.

Raporta Telegraph  amaje bi wê yekê dike ku, her çiqas medyaya Amerîkî ragihand ku CIA di çekdarkirina Kurdên Rojhilatê Kurdistanê de beşdar e jî, Bafil Talebanî di peyamekê de ji bo Trump li ser Fox News got: Divê Kurdistan pirek be, ne meydanek şer,ev peyam wekî hewldanek cidî hate dîtin daku pêşî li karesatek wêranker li herêmê were girtin hevdem di hevpeyvînekê de ligel Channel Four, Talebanî hişyarî da komên Kurdên Îranê ku "aqilmend û stratejîk" bin û bêyî razîbûna hikûmetê ti gavên leşkerî neavêjin, bi cûrekê Qubad Talebanî bi kurtî amaje bi wê yekê kir ku ev ne şerê me ye. Me têra xwe şer dîtine, bi vî awayî, van her du birayan karîn herêma xwe di agirê şerê Amerîka-Îranê de ewle bihêlin û niha mala Mam Celal bûye navendeke girîng ji bo parastina aramiyê.

PUKMEDIA