Duyemîn karwana koçberan sibê dê vegerin Efrînê

Medya

Koçberên Efrînê

Cîgirê Fermandarê Giştî yê Hêzên Ewlekariya Hundirîn ên Parêzgeha Hesekê ragihand ku karwanê duyem ya koçberên ji Efrînê dê sibê ber cih û warên xwe ve têkeve rê.

Cîgirê Fermandarê Giştî yê Hêzên Ewlekarya Hundirîn ên Parêzgeha Hesekê Mehmûd xelîl  li ser hesabê yê X`ê daxuyanek da û cih û demê birêketina karwanê duyem ê koçberên Efrînê eşkere kir.

Di daxuyaniyê de hatiye:Di çarşoveya cî bi cîkirina berpirsiyariya me ya mîrovî û erkê me yê neteweyî li hemberî gelê me û ji bo dewamkirina hewldanên ji bo birêxistinkirina vegera koçberan, dê karwanê duyem yên xelkên me yê koçber ber bi Efrînê ve were rêkirin.

Karwanê ku ji 200 malbatan pêk tê, dê sibê demjimêr 6ê danê sibehê li Çarxerêya Şehîd Yûsif Gulo li bajarê Qamişlo kom bibin û ji wir  di riya M4`ê re berê xwe didin bajarê Efrînê.

PUKMEDIA