Balyozxaneya Amerîka li Venezuela piştî 7 salan hat vekirin

Ajans

Alên Amerîka û Venezuela

Balyozxaneya Amerîka li Caracas a Venezuela, piştî navbereke heft salan, piştî ji nû ve avakirina peywendiyên dîplomatîk di navbera herdu welatan de, ji nû ve dest bi kar kir.

Amerîka li Venezuela gihîşte armancên xwe

Li gorî raportên medyaya neteweyî, piştî asayîkirina peywediyên dîplomatîk, Balyozxaneya Amerîka ya li Caracasê deriyên xwe ji nû ve vekir.

Balyozxaneya Amerîka hat vekirin

Di daxuyaniyek çapemeniyê de ji Balyozxaneya Amerîka li Caracas wiha hat gotin :Me bi fermî li Balyozxaneya xwe ya li Caracas xebatên xwe ji nû ve dest pê kir, ev yek serdemeke nû di hebûna me ya dîplomatîk de li Venezuelayê nîşan dide.

Daxuyaniyê tekez kir ku ev gav dê kapasîteya diyaloga rasterast bi hikûmeta demkî, civaka sivîl û sektora taybet ya li Venezuelayê re xurt bike.

Vekirina ji nû ve ya balyozxaneyê wekî pêngaveke girîng di plana sê qonaxî ya rêveberiya Amerîka ya li hember Venezuelayê de tê dîtin.

Ev biryar piştî 7 salan hate dayîn

Di heman demê de, wekî beşek ji pêvajoya asayîkirina peywendiyên dîplomatîk, Venezuelay avahiya balyozxaneya xwe ya li Washingtonê jî dîsa bi dest xist.

Balyozxaneya Amerîka, ku li navçeya Baruta ya paytext Caracasê ye, ji dema ku peywendiyên dîplomatîk yên di navbera herdu welatan de di sala 2019an de hatin sekinandin ve girtî ye.

Wezareta Derve ya Amerîka ragihand ku şandeyek ji bo nirxandina egera vekirina balyozxaneyê serdana Caracas kiriye.

PUKMEDIA