Bi fermana Sûdanî lêpirsîn digel êrîşkaran tê kirin

Ragihandina Serokwezîrê Îraqê

Mihemed Şeyah Sûdanî Fermandarê Giştî yê Hêzên Çekdar

Mihemed Şeyah Sûdanî Serokwezîrê Îraqê û Fermandarê Giştî yê Hêzên Çekdar ferman da hemû dezgehên ewlehiyê ku kesên ku êrîşî zeviya petrolê ya Mecnûn û balyozxaneya Amerîka yê li Bexdayê kirine bibînin û bigirin.

Sebah Nûman, berdevkê fermandarê giştî yê hêzên çekdar, di daxuyaniyekê de ragihand ku êrîşên ne rewa li ser saziyên dewletê û nûnerên dîplomatîk berdewam dikin, ku aramiya li Îraqê têk dide.

Her weha amaje bi wê yekê kir ku fermandarê giştî yê hêzên çekdar ferman daye hemû dezghên ewlehiyê ku kesên ku êrîşî zeviya petrolê ya Mecnûn û balyozxane ya Amerîkî li Bexdayê kirine bibînin û bigirin.

Berdevkê fermandarê giştî yê hêzên çekdar got:Armanca pêşniyarê ewe ku gumanbar di zûtirîn dem de radestî dadgehê werin kirin ji bo van kiryarên wêranker sizayên yasayî yên tund werbigirin, ji ber ku ewlehiya welat û ewlehiya welatiyan hêla Sor e.

Di dawiyê de, Sebah Nûman, berdevkê fermandarê giştî yê hêzên çekdar aşkere kir ku biryar hatiye dayîn ku hemû berpirsên ewlehiyê yên ku erkên xwe û di çarçoveya desthilata xwe de paşguh kirine û nekarîne pêşî li van êrîşan bigirin, bên sizakirin.

PUKMEDIA