Îmad Ehmed:Kurd çend yekgirtî bin hêza wan dê li Bexdayê zêdetir be

PUKMEDIA

Îmad Ehmed,Berpirsê Mekteba Ragihandin û Hişyarî ya Yekîtiya Niştimanî ya Kurdistanê

Îmad Ehmed, Berpirsê Mekteba Ragihandin û Hişyarî ya Yekîtiya Niştimanî ya Kurdistanê ragihand ku,em dixwazin ku gelê Kurd di çarçoveya Îraqa demokratîk ya nû de li gorî destûrê ji mafên xwe sûd werbigire û YNKê dixwaze xizmeta hemû gelê Kurdistanê li hemû herêman bê kirin, di heman demê de, ew her tiştî feda nake û ji bo postan şerjî  nake.

Îmad Ehmed, Berpirsê Mekteba Ragihandin û Hişyarî ya Yekîtiya Niştimanî ya Kurdistanê (YNK) do kongreyek e rojnamevaniyê de bi boneya Roja Alayê li xelkê Kurdistanê pîroz kir û ragihand ku,divê em vê rojê bikin roja yekhelwestî û xizmetkirina gelê Kurdistanê û roja çareserkirina her pirsgirêkek li Herêma Kurdistanê û werin em wê bikin roja têkoşîna xwe ji bo mafên rewa yên gelê xwe û di çarçoveya Îraqek e demokratîk û destûrê de, em li Başûrê Kurdistanê bi mafên şad bibin.
Her weha aşkere kir ku, YNK li ser rêbaza xwe û rêbaza jiyana hevbeş e û em  ji bo postan şer nakin û emê her tiştî nekin qurbanî û tiştê girîng li cem me ev herêm bi Bexdayê re di aştiyê de be û em dixwazin karekî bikin ku ji bo gelê me be.

Her weha amaje bi wê yekê kir ku her ku çiwas Kurd zêdetir yekgirtî bin, ew qas zêdetir hêz li Bexdayê heye û ji serdema Serok Mam Celal ve me gelek girîngî daye hebûna Kurdan li Bexdayê, ji ber ku bi peywendiyên baş yên bi Bexdayê re, em dikarin gelek pirsgirêkan çareser bikin û gelek destkeftiyan ji bo miletê xwe misoger bikin.

Her weha behsa wê yekê kir ku YNK hêzek bilind e li Kurdistanê û xwedanê dîrokekê ye û gelek şehîdên wê hene û mafên gel û xizmetkirina gel ji bo me girîng e ku divê hemû beşên cuda yên Kurdistanê bi awayekî wekhev xizmetê ji hemû pêkhateyên gelê Kurdistanê re bê kirin.

Îmad Ehmed got: Çi dabeşbûnek dê xizmeta miletê me neke û dê dilê dostên me jî kêfxweş neke, lê dê dilê dijminên me xweş bike.

PUKMEDIA