Wezareta Çavkaniyên Xwezayî: Em li benda pejirandina hikûmeta federal in ji bo hinardekirina petrolê

PUKMEDIA

Hinardekirina Petrolê

Wezareta Çavkaniyên Xwezayî ya Hikûmeta Herêma Kurdistanê ragihand ku ew li benda pejirandina Wezareta Petrolê ye ji bo ji nû ve destpêkirina hinardekirina petrolê ji Herêma Kurdistanê.

Wezareta Çavkaniyên Xwezayî di daxuyaniyekê de, ku kopiyek gihîştiye destê PUKMEDIA got: Li gorî pêşniyar û biryarên ku ji aliyê Encûmena Wezîran ve hatine dayîn, Wezareta Çavkaniyên Xwezayî hemû erkên xwe yên ji bo ji nû ve destpêkirina hinardekirina petrolê ji Herêma Kurdistanê bi hevkariya Wezareta Petrolê ya hikûmeta federal, bi cih aniye.
Di daxuyaniyê de wiha hat gotin: Wezareta Çavkaniyên Xwezayî îmzeyên hemû kampaniyên petrolê yên biyanî û herêmî li ser peymanê bi dest xistiye, ji bilî kampaniyekê. Ev yek bandorê li naveroka peymana sêalî ya di navbera wezareta me, kampaniyên petrolê û Wezareta Petrolê ya federal de nake.

Daxuyaniyê wiha rave kir: "Pejirandina wezareta me û kampaniyên petrolê ji bo ji nû ve destpêkirina hinardekirina petrolê di 23ê Îlona 2025an de bi fermî ji Wezareta Petrolê ya federal re hat şandin. Ji ber vê yekê em li benda bersiva Wezareta Petrolê ne ji bo îmzekirina peymanê da ku Rêxistina Bazarkirina Petrolê ya Dewletê (SOMO) bikaribe petrolê ji Herêma Kurdistanê bi leztirîn awayî hinarde bike û bendên mayî yên peymanê bicîh bîne.

PUKMEDIA