Komîsyonê dema tomarkirina hevpeymanî û partiyan dirêj kir

PUKMEDIA

Komîsyona Bilind ya Serbixwe ya Hilbijartinên Êraqê

Civata Komîseran ya Komîsyona Bilind ya Serbixwe ya Hilbijartinên Êraqê, îro roja Sêşemê rêkefta (13-05-2024) an dema tomarkirina hevpeymanî û partiyan dirêj kir.

Di wê derbarê de, Cûmane El Xelay, Berdevka Komîsyona Bilind ya Serbixwe ya Hilbijartinan, di daxuyaniyekê de ji bo PUKMEDIA got : Civata Komîseran ya Komîsyona Bilind ya Serbixwe ya Hilbijartinan biryar da ku dema tomarkirina hevpeymaniyan, partiyan û lîsteyên tek kesî (ji bo kursiyên giştî û pêkhateyan) ji bo kesên ku dixwazin beşdarî Hilbijartina Civata Nûnerên Êraqê bibin, heya roja 20 Gulanê dirêj kir, ku biryar e Hilbijartina Civata Nûnerên Êraqê roja 11ê Mijdara 2025an birêve biçe.

Navbirî her wiha got: Hejmara partîyên ku li cem Komîsyona Bilind ya Serbixwe ya Hilbijartinan hatine tomarkirin gihîştiye zêdetirî 330 partî û aliyên siyasî, û hejmara hevpeymanîyên nûh heta niha hatine tomarkirin gihîştiye pêncan.

Cûmane El Xelay destnîşan kir ku, heta roja Yekşemê, 70 partî û hevpeymaniyên siyasî di pêvajoya damezrandinê de bûn, û 80 partî û hevpeymanan daxwaziyên xwe ji bo beşdarbûna di hilbijartinên pêş de nîşan dane, û haletên nûhkirina tomarkirina hilbijêran gihîştiye nêzîkî yek milyon Kesan.

Nivîsgeha Ragihandin ya Serokwezîrên Civata Federalî roja Nehê Nîsana 2025an de di daxuyaniyekê de ragihandibû ku Civata Wezîran bi serokatiya Serokwezîr Mihemed Şeyah El Sudanî civînek li darxistibû û di civînê de deng dabû ku roja 11ê Mijdara 2025an wekî roja Hilbijartina Civata Nûnerên Êraqê were destnîşankirin.

PUKMEDIA