Ji ber baykotê hereşeya size û mûçe birîn li parlementaran tê kirin

Ajans

Encumena Nûnerên Êraqê

Mehmûd El-Meşhedanî serokê parlemanê, dupat kir ku ev mehek û nîve parleman ti civîn lidarnexistiye, ev yek nayê qebûlkirin, ji ber ku welatî hêvî dikin ku nûnerên xwe kar bikin û ji bo vê mebestê jî ew hilbijartine.

El-Meşhedanî di daxuyaniyeke televîzyonî de ku ji aliyê PUKMEDIA ve hatiye şopandin, wiha got: Em li ser seknandina mûçeyên parlamenteran û serokê parlamentoyê ne, ji ber ku zêdetirî mehekê ye me tiştek nekiriye, ji ber ku mûçe di berdêla kar de tê dayîn.

Got jî: ti biryareka siyasî bo rawestandina karê encumena nûneran nîne, lê li ser yasaya Heşda Şeibî nekokî hene, hin alî jî naxwazin ew yasa derbikeve heta pêkhateya Heşda Şeibî bê pesend kirin û ev jî sedema serekî ya rawestandina karê encumenê ye.

Ji aliyê xwe ve Parlamenterê Yekîtiya Niştimanî ya Kurdistanê Sebah Hebîb ji PUKMEDIA`yê re ragihand: Ji aliyê yasayî ve, Serokê Parlamentoyê nikare mûçeyê parlementeran paşde bigire, lê dikare xwe bispêre bernameya beşdarnebûna di civînan de.

Got jî: Di encumena nûneran de biryarek berê heye ku milyonek dînar ji mûçeya her perlemantarekê bê birîn eger beşdarî civînê nebe, serokê parlemanê jî dikare pişta xwe bi vê biryarê bibeste û parlementarên ku bê hinceta beşdarî civînan nabin ceza bike.

Got jî: Fireksiyonên Kurdistanî li hemû civînên civata nûneran amade bûn û di heyama borî de, em çendîn car beşdarî civata nûneran bûn, lê ji ber nebûna ne temamkirina endaman û boykotkirina civînan ji aliyê çend fireksiyonên parlamentoyê ve.
Serokatiya Meclisa Nûneran beriya niha biryar dabû ku parlementerên ku beşdarî civînan nebin  ji mûçeyê wan milyonek û nîv tê birîn.

PUKMEDIA