Komisyonê derbarê namzedan de bersiv wergirt

PUKMEDIA

Komisyona bilind a hilbijartinan

Komisyona Bilind a Serbixwe ya Hilbijartinan bersivên aliyên pêwendîdar derbarê pişkinîna namzedên hilbijartinên Parlamentoya Kurdistanê ku biryare roja 20/10/2024 were lidarxistin, wergirtin.

Berdevka Komisyona Bilind a Serbixwe ya Hilbijartinan Cumana El-Gelayî di daxuyaniya xwe ya ji PUKMEDIA re da wiha got: Derbarê lêkolîna li ser namzedan bersiv ji saziyen ku li ser namzedan lêkolînê dikin hatin wergirtin û ew niha li cem Komîsyona Hilbijartinan in ji bo kontrolkirina wan.

Cumana El-Ghelayî got jî ev bersiv ji aliyê Beşa Karûbarên Namzetan û Dezgeha Yasayî ve têne vekolîn û pêdaçûnê, da ku bizanin ka li ser namzedan çi hatine gotin.

Di hilbijartinên Parlementoya Kurdistanê de 139 lîste beşdar in, ji wan du hevpeymanî, 13 partî û 124 namzedên takekesî ji wan 85 namzedên giştî û 39 namzedên pêkhateyan, ji wan: 19 namzedên mesîhî bi vî awayî hatine dabeşkirin: Hewlêr 7, Silêmanî 4, û Duhok 8 namzed, 20 namzedên tirkmen jî bi vî awayî hatine belavkirin: Hewlêr 14, Silêmanî 6 namzed.
Di 26ê Hezîrana 2024ê de, Serokatiya Herêma Kurdistanê biryara pêncem derxist û tê de roja nû ji bo lidarxistina hilbijartinên Parlamentoya Kurdistanê diyar kir, piştî ku berî niha 4 biryarên bi vî rengî dabûn, lê hilbijartin hatibûn paşxistin .
Serokê Herêma Kurdistanê Nêçîrvan Barzanî biryar da ku roja 20.10.2024ê weke roja lidarxistina hilbijartinên şeşemîn civîna Parlamentoya Kurdistanê were destnîşankirin.


PUKMEDIA