Serok Komar: Em dixwazin aştî û aramî li Êraqê yekgirtî û bihêztir bibe

Êraq 12:07 PM - 2024-06-06
 Hevpeyvîna serokkomar digel RT Nivîsgeha Ragihandinê yê serokkomar

Hevpeyvîna serokkomar digel RT

Serokkomarê Êraqê

Serok Komarê: Em dixwazin aştî û aramî li Êraqê yekgirtî û bihêztir bibe
Serok Komar Dr. Ebdul Letîf Reşîd tekez kir ku Êraq ji dema bidawîhatina qonaxa germ a tundûtûjiyê û terorîzmê ve bûye şahidê guhertineke berçav, aramî belav bûye û xelk bê tirs dadikevin kolanan. Aştî û ewlehî li Êraqê bûye rastiyek.

Serok Komar di hevpeyvîna digel RT got: Em pêdiviya dayîna mafê çarenûsiya tam û naskirina dewleta Filistînê ji bo gelê Filistînê teqez dikin, em vê komkujiya ku li ser Filistîniyan hatine kirin bi tundî şermezar dikin û daxwaza rawestandina şer û arîkariya gelê Filistînê dikin. Erka civaka navneteweyî ye ku zêdetir zextan bike ji bo naskirina mafê çarenûsî yê Filistîniyan. Divê jenosîda ku her roj li ser gelê Filistînê tê kirin raweste.

Êraq ji bo demeke dirêj, nêzîkî çar dehsalan, tûşî rewşên dijwar ên şer, destdirêjî, tundûtûjî û terorîzmê bû. Êraq ji dema bidawîhatina qonaxa germ a tundûtûjiyê û terorîzmê ve bûye şahidê veguhertineke berçav.


Got jî: Em dixwazin aştî û aramî li Êraqê yekgirtî û bihêztir bikin û peywendiyên me digel welatên cîran û civaka navdewletî başin û em pêşwazîya gelek şandên derve jî dikin, ji ber ku hemû jî pê hesîyane ku rewşa Êraqê bi awayekî berçav hatiye guhertin. Pirrengiya siyasî, netew û mezhebên me hene û ji bo paşeroja Êraqê diyalog di navbera van koman de tê kirin û di çarçoveya pirosesa demokratîk de, dem bi dem hilbijartin têne kirin ji bo avakirina hikûmetên federal û herêmî.

Serokê Komarê got: Pêwendiya navbera hikûmeta federal û hikûmeta Herêma Kurdistanê tijî hevkarî ye. Îran cîranekî pir girîng e ji bo Êraqê û pêwendiya me ligel baş û bihêz e û bi berdewamî di warên cuda de pêşve diçe.

Wî berdewam kir: Me dest bi baştirkirina jêrxana xwe kiriye, ji ber ku ev demeke dirêje hatiye paşguhkirin û ziyankirin, herwiha kar bo baştirkirina xizmetguzariyan di warên tenduristî, perwerde û veguhestinê de dikin, û em hewl didin ku bi welatên curbicur re kar bikin ji bo xurtkirin û bidestveaîna geşepêdanê.

Peywendiyên bi Amerîka re baş in û em rêzê jê re digirin û hebûna hevpeymaniya navdewletî di çarçoveya rêkeftineke hevbeş de bû, Êraq îro dikare ewlehiya xwe bi xwe biparêze. Em giringiyê didin hevkariyên Amerîka û hevpeymaniya navdewletî di şerê li dijî terorîzmê û rahênan de, û hebûna wan yan derketina wan ji welat girêdayî bi gihiştina rêkeftinekê di dema xwe de ye bi rêya şêwirîna ligel hemû hêzên siyasî, Civata Nûneran û saziyên hikûmetê  bo binirxînin ka çi ji koalîsyona navneteweyî tê xwestin.

Wî eşkere kir: Malbatên DAIŞê û xizmên wan li kampên awareyan ne tenê di dema niha de, belku di paşerojê de jî pirsgirêkekê nîşan didin û ji ber wê jî dezgehên me yên ewlekarî hewl didin vê pirsgirêkê çareser bikin û li ber çavan bigirin. Têkiliyên Êraqê bi Rûsyayê re her tim têkiliyeke baş bû, berê bi Yekîtiya Sovyetê re û niha jî bi Rûsyayê re, û em dixwazin vê peywendiyê xurtir bikin, û sûd ji pisporiya di warê nûjenkirina jêrxaneyan, sektora enerjiyê, av û avdaniyê û gelek aliyên jiyanê de werbigirin, û her weha ji hêla çandî ve, ji ber ku Rûsya xwedan mîrata çandî ya dewlemend e.


PUKMEDIA 

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket