Talebanî: Îradeya gelê Îranê dê rojên dijwar derbas bike

PUKMEDIA

Qubad Talebanî li Konsulxaneya Îranê ya li Hewlêrê

Cîgirê Serokwezîrê Herêma Kurdistanê Qubad Talebanî Sêşeme 21.05.2024 serdana Konsulxaneya Giştî ya Komara Îslamî ya Îranê li Hewlêrê kir.

Li ser navê Hikûmeta Herêma Kurdistanê Cîgirê Serokwezîrê Herêma Kurdistanê hevxemiya xwe pêşkêşî Konsulê Giştî Nesrullah Reşnûdî û dîplomatên wî welatî kir,ji bo koça dawî ya Serokomar Îbrahîm Raîsî û Wezîrê Derve Husên Emîr Ebdullahiyan û ragihand:’’Em di wê baweriyê de ne ku îradeya gel û hikûmeta Îranê dikare vê qonaxê û van rojên ne xweş derbas bike.’’

Ji aliyê din ve Cîgirê Serokwezîr Qubad Talebanî di peyamekê de sersaxî ji rêberê Komara Îslamî ya Îranê, hikûmet û gelê Îranê re xwest.

Îranê jiyan jidestdana serokomar û şanda pê re ragihand

Serokomarê Îranê Îbrahîm Raîsî û şanda pê re ji parêzgeha Azerbaycana Rojhilatî 19 gulanê  dema vedigeriyan helîkoptera wan li parêzgeha Tebrîzê ket xwarê. Çapemeniya fermî ya Îranê ragihand ku di encama ketina helîkopterê li parêzgeha Tebrîzê de hemû rêwiyan jiyana xwe ji dest dane.

PUKMEDIA