Aliyên Kerkûkê li benda diyarkirina kese bo postên parêzgehê ne
Kurdistan 01:31 PM - 2024-04-13Serokwezîrê Iraqê bi aliyên serkeftî re dicive
Endamekî encumena parêzgeha Kerkûkê ragihand, kesên serkeftî yên hilbijartinên encumena parêzgeha Kerkûkê li benda sêyemîn civîna li gel serokwezîrê Iraqê ne ji bo pêkanîna encûmena parêzgehê û biryarê li ser postê parêzgarê Kerkûkê bidin û got: “Divê encûmen weke parêzgehên din ên Iraqê karbidest be û posta parêzgariya Kerkûkê jî were diyarkirin.’’
Partiyên serkeftî yên Kerkûkê dê bi serokwezîr re dicivin
Endamê encumena parêzgeha Kerkûkê ji Fraksiyona Yekîtiya Niştimanî ya Kurdistanê (YNK) Ehmed Fatîh ji PUKMEDIA re ragihand: ““Piştî vegera serokwezîrê Iraqê ji Amerîkayê, aliyên serkeftî yên Kerkûkê dê careke din ji bo avakirina encûmena parêzgehê bicivin û pirsa posta parêzgarê Kerkûkê çareser bikin.’’
Fatih got: “Tê çaverêkirin di civînê de pirsa encûmen û parêzgarê Kerkûkê were çareserkirin, ji ber ku piştî hilbijartinên encumenên parêzgehên Iraqê, niha tenê parêzgeha Kerkûkê maye ku çalak be û parêzgar destnîşan bike.’’
Ji aliyê din ve, Serokê Yekîtiya Niştimanî ya Kurdistanê (YNK) Bafil Celal Talebanî û serokwezîr Mihemed Şîe Sûdanî li Bexdayê du caran civiyan û li ser pêngavên avakirina hikûmeta xwecihî û destnîşankirina parêzgar û serokê encûmena parêzgeha Kerkûkê gotûbêj kirin dîsa aliyên serkeftî yên Kerkûkê li ser maseya danûstandinan li Bexdayê dicivin.
YNKê li Kerkûkê herî zêde deng bidest xist
Yekîtiya Niştimanî ya Kurdistanê (YNK) li parêzgeha Kerkûkê dengên herî zêde bidest xistiye û li gorî şarezayên hilbijartinan xwe mafdar dibîne ku bibe xwedan parêzgar.
Berpirsê NMalbenda YNK’ê ya Kerkûkê Rewend Mela Mehmûd ji PUKMEDIA’yê re axivî û got: “Weke me berê jî gotibû, YNK amade ye li gel partî û pêkhateyên Kerkûkê danûstandinan bike ji bo pêkanîna hikûmeta xwecihî û dabeşkirina postan li gorî encamên hilbijartinên parêzgehê.’’
"YNK'ê ku li parêzgehê herî zêde deng bi dest xistiye, mafê wê ye ku li gorî nirxê hilbijartinê parêzgarê bajêr û aliyên din werbigire, para xwe ji parêzgehê werbigire û em hemû dikarin xizmeta xelkê Kerkûkê bikin." got.
YNKê li parêzgeha Kerkûkê 5 kursî bidest xist
Hilbijartinên encûmenên parêzgehên Iraqê di 18ê Kanûna 2023an de li 15 parêzgehan hatin lidarxistin û niha tenê parêzgeha Kerkûkê maye ku encûmenê aktîf bike û kesekî ji bo posta parêzgarê wî bajarî destnîşan bike.
Hevpeymaniya Kerkûkê ku di navbera YNK û Partiya Komunîst de bû, li parêzgeha Kerkûkê herî zêde deng bidest xist.Yekem bû bi 157 hezar û 639 dengan, ku %43ê dengên parêzgehê ye û pênc kursî bi dest xistine, lê çar meh bi ser hilbijartinên encûmena parêzgehê re derbas bûne, encûmena parêzgehê nehatiye hilbijartin.
PUKMEDIA
hewal ziyatr
-
Asayîşê dest danî ser kargeheke çêkirina madeyên hişber
06:08 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
11:14 AM - 2024-05-02 -
Genimê cotkarên Herêma Kurdistanê 2 trîlyon dînar e
05:22 PM - 2024-05-01 -
Qubad Talebanî: Em ji bo yekkirina mafên yasayî yên kedkaran kar dikin
12:23 PM - 2024-05-01
zêdetir tamaşe bike
Dahata Silêmaniyê di heftiyekê de zêdey 26 milyar dînar e
11:47 AM - 2024-05-03
Qubad Talebanî: Em paşxistina hilbijartinan red dikin û rûbirûy her hewldaneke paşxistinê dibin
05:51 PM - 2024-05-02
Ziyad Cebar: Yekîtî beşdarî ti civînekê bo paşxistina hilbijartinan nabe
11:53 AM - 2024-05-02
YNKê: Emê li dijî her hewleke nerewa ya paşxistina hilbijartinan in
11:32 PM - 2024-05-01
zortrin xwendraw
-
Ziyad Cebar: Yekîtî beşdarî ti civînekê bo paşxistina hilbijartinan nabe
Kurdistan 11:53 AM - 2024-05-02 -
Qubad Talebanî: Em paşxistina hilbijartinan red dikin û rûbirûy her hewldaneke paşxistinê dibin
Kurdistan 05:51 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
Kurdistan 11:14 AM - 2024-05-02 -
Asayîşê dest danî ser kargeheke çêkirina madeyên hişber
Kurdistan 06:08 PM - 2024-05-02 -
Salvegera bombebarankirina Goptepe û Esker
Kurdistan 12:07 PM - 2024-05-03 -
Dahata Silêmaniyê di heftiyekê de zêdey 26 milyar dînar e
Aborî 11:47 AM - 2024-05-03