Berdevkê Fermî: Yekîtî tekezî li ser lidarxistina hilbijartinan di dema xwe de dike

Kurdistan 11:07 AM - 2024-04-03

Berdevkê Yekîtiya Niştimanî ya Kurdistanê Seidî Pîre

Berdevkê Yekîtiya Niştimanî ya Kurdistanê Saidî Ehmed Pîre tekez kir ku Yekîtiya Niştimanî piştevaniya lidarxistina hilbijartinên Parlamentoya Kurdistanê di roja diyarkirî 6.10.2024ê de dike û ev jî daxwaza girseya gelê Kurdistanê ye.

Seidî Ehmed got: Hemû pirsgirêk, xizmetkirina zêdetir ji bo welatiyan, aramkirina sîstema siyasî li Herêma Kurdistanê û vegerandina baweriyê ji welatiyan re tenê bi lidarxistina hilbijartinan pêk tên û eger hilbijartin neyên kirin, emê berdewam bin di valahiya destûrî û paşeroja Herêma Kurdistanê dê di tûneleke tarî de be.

Peyvdarê fermî got: paşxistina hilbijartinan di her şert û mercî de karekî xirab e û nayê hilbijartinan bi hin hesabên xelet ve were girêdan, û em bawer dikin ku ev hilbijartin bi başî derbikevin.

Me tu hevdîtin red nekir

Seidî Ehmed Pîre dibêje: Yekîtiya Niştimanî ya Kurdistanê amadeye li gel hemû aliyên siyasî bicive û heta niha ti civîn red nekiriye, lê tekezî li ser lidarxistina helbijartinan di roja diyarkirî de dike. Ji ber ku ev dîrok bi lihevkirina di navbera hemû aliyên siyasî de hat ragihandin. Em hêvî dikin ku hemû astengiyên li pêşiya lidarxistina hilbijartinan bên rakirin.

Yekîtiya Niştimaniya Kurdistanê ti carî daxwaza paşxistina hilbijartinan nekir, lê me gilî li dijî yasaya hilbijartinan kir û em rêzê li biryara Dadgeha Federalî û saziyên din ên yasayî digirin.

Ji şert û mercên pêşwext dûr bisekinin

Pîre1 dibêje: Divê em xwe ji bikaranîna hin peyvên ne guncaw dûr bixin û li ser hin derdorên dadwerî neyên tawanbarkirin, divê em berê xwe bidin paşerojê û hilbijartinan di roja diyarkirî de pêk bînin.

Got jî: Nabe ti pêşmerc ji bo lidarxistina helbijartinan bê danîn, ji ber ku ev kar dê zirarê bide ezmûna siyasî ya Herêma Kurdistanê û paşxistina hilbijartinan jî karesatek bo Herêma Kurdistanê ye.
Wî jêderî eşkere kir: Yekîtiya Niştimaniya Kurdistanê amadeye di roja 6.10.2024ê de hilbijartinên şefaf û dadperwerane pêk bîne.


PUKMEDIA