YNK dê li Nînowayê serokatiya du komîteyên giring bike

PUKMEDIA

Mihemed Casim Kakeyî û Wissam Salim Salim

Di encûmena parêzgeha Nînowayê de bo cara yekem kurd serokatiya du komîteyên giring dikin.Fraksiyona YNKê li encûmena parêzgeha Nînowa dê serokatiya komîteyên asayîş û berevaniyê, çand û geştiyariyê bike.

YNK dê berpirsiriya  Komîteya Asayîş û Çandê bike

Yekîtiya Niştimanî ya Kurdistanê (YNK) di hilbijartinên encumenên parêzgehên Iraqê yên roja 18-12-2023an de, 9 kursî bidest xistin, ji wan 2 kursiyên encumena parêzgeha Nînowa ye.
Li gor zanyariyên PUKMEDIAyê, Mihemed Casim Kakeyî wek Serokê Komîteya Asayîş û Berevaniyê û Wesam Selîm Selîm jî wek Serokê Komîteya Çand û Tûrîzmê ya Encûmena Parêzgeha Nînowa hatiye destnîşankirin.

Di dîroka encûmenê de ev cara yekem e ku serokatiya van komîteyan didine kurdan, di nav de didin  Yekîtiya Niştimanî ya Kurdistanê.

Endamên YNKê ji pêkhatane

Du namzedên Yekîtiya Niştimanî ya Kurdistanê (YNK) di encumena parêzgeha Nînowa de ku dengên pêwîst bidest xistine, ji pêkhateyên Kakeyî û Êzidî ne, ku ev yek jî vê rastiyê îsbat dike ku pêkhat dikarin namzediya hilbijartinên bê yên parlamentoyê bikin.
PUKMEDIA