YNK di serhildana sala 1991ê de yekem hêz bû ku derbasî Duhokê bû
Kurdistan 11:28 AM - 2024-03-14Duhok
Îro 14ê Adarê 33emîn salvegera serhildana
parêzgeha Duhokê ye û tevlî parêzgehên ku di sala 1991ê de li dijî rêjîma berê
rabûn ser piyan bû.
Di 5ê Adara 1991ê de bajarê Raniye bû şahidê
destpêkirina çirûska yekem a serhildanê, devera serhildanê berfireh bû û di 7ê Adara
1991ê de gihîşt bajarê Silêmaniyê û ev bajar bi tevahî rabû, xelkê wê karîbûn
bi temamî kontrola dezgehên wê yên ewlekarî û îdarî bikin, endamên rêjîmê li
hember derbên bi êş ên şervanên mêrxas ên serhildanê reviyan. Bi vî awayî
bajarê Silêmaniyê di 7ê Adara 1991ê de hat rizgarkirin, dema ku tava serhildanê
geştir û geştir dibiriqî, di 11ê Adara 1991ê de gihîşt Hewlêrê û karî tariya
kûr a ku hebû ji holê rake.
Paşê gelê serhildanê bi lez û bez pêşdeçûna xwe
li ser rêya serkeftin û rizgariyê berdewam kir, ku bi xwîna xwe ya pak reng
kirin û çend bajaran rizgar kirin: Duhok, Koye, Şeqlawa, Helebce, Amêdî,
Mexmûr, Zaxo, Akrî, Derbendîxan, Kelar, Ciwarte, Pêncwîn, Seyd Sadiq heta
bajarê Kerkûkê ku di bîstê Adara 1991ê de rizgar bû û bi vî awayî qonaxa dawî
ya vê rêwîtiya herheyî û qehremanane bi dawî bû ku bi serkeftineke eşkere û tê
de armancên bilind ên ku serhildan ji bo wan hatibû destpêkirin, hatin bidest
xistin.
Pêşmergeyê Dêrîn Nazim Omer Debax ji PUKMEDIAyê
re ragihand: Di sala 1991ê de piştî ku çirûska serhildanê li bajarê Raniyê
derket, me hêzên xwe kirin du beş, ku yekem ber bi Hewlêrê ve û ya duyem jî ber
bi navçeya Şêxan a ser bi parêzgeha Duhokê ve bi rê ket.
Got jî: Hêzên me yên ku ber bi qeza Şêxan ve
diçûn, di bin fermana min de bûn û me karî berî her hêzekê derbasî parêzgeha Duhokê
bibin û piştî çend demjimêran ji cihgirtina me di nava parêzgehê de, hinek
hêzên din hatin alîkarîya me.
Ew dibêje: Yekîtiya Niştimanî ya Kurdistanê endezyar
û cîbicîkarê serhildanê ye û bi ser ket di yekxistina hêzên Kurdistanî di
çarçoveya eniya Kurdistanê de.
Got jî: Yekîtiya Niştimanî cîbicîkar û
plansazkarê serhildanê ye û berî destpêkirina serhildanê, hemû hêzên çekdar ên
ser bi Yekîtiya Niştimanî ve tevgeriyan û xwe ji bo serhildanê amade kirin û bi
rastî êrîşî ser baregehên hizbî û leşkerî yên rêjîma kirin û bajarên Kurdistanê
ji Rêjîmê rizgarkirin.
PUKMEDIA
hewal ziyatr
-
YNK'ê: Di pêşwazîkirina cotkarên genim de em cudakariyê qebûl nakin
07:36 PM - 2024-04-29 -
Xwendekarên Êraq û Herêmê ji bo xwendinê dişînin derve
01:07 PM - 2024-04-29 -
Serok Komar tekezî li ser çareserkirina pirsgirêkan li gor destûrê dike
12:22 PM - 2024-04-28 -
Emê zêdetir hevkariya Iraq û Herêma Kurdistanê bikin
05:33 PM - 2024-04-27
zêdetir tamaşe bike
Çar balyozên nû yên Iraqê dest bi kar bûn
05:45 PM - 2024-04-29
Kampaniya Dana Gazê rawestandina demkî ya hilberînê li kêlgeha Kormorê radigihîne
09:44 AM - 2024-04-29
Jêderek ji Serkirdayetiyê: YNK li gel paşxistina hilbijartinan nîne
03:39 PM - 2024-04-28
Parlementar: Di vê heftiyê de dê mûçeyên karmendan were şandin
11:37 AM - 2024-04-28
zortrin xwendraw
-
Kampaniya Dana Gazê rawestandina demkî ya hilberînê li kêlgeha Kormorê radigihîne
Kurdistan 09:44 AM - 2024-04-29 -
Xwendekarên Êraq û Herêmê ji bo xwendinê dişînin derve
Kurdistan 01:07 PM - 2024-04-29 -
Çar balyozên nû yên Iraqê dest bi kar bûn
Êraq 05:45 PM - 2024-04-29 -
Parlamenterekî YNKê ji bo qerebûkirina Helebceyê 85 îmze kom dike
Kurdistan 07:11 PM - 2024-04-29 -
YNK'ê: Di pêşwazîkirina cotkarên genim de em cudakariyê qebûl nakin
Kurdistan 07:36 PM - 2024-04-29