Serok Bafil: Emê bi siyaseteke zelal têkiliyên xwe yên bi welatên Ereb re ji nû ve birêxistin bikin

Ofîsa Serok Bafil

Serok Bafil pêşwaziya Nûnerê YNK'ê yê Misirê Mela Yasîn kir

Serokê Yekîtiya Niştimanî ya Kurdistanê (YNK) Bafil Celal Talebanî li Dabaşanê pêşwaziya nûnerê YNKê li Misirê Mela Yasîn kir.

Di civînê de ku, Nûnerê Serokê YNKê bo Polîtboru û Encûmenên Bilind Dr.Xesrew Gul û Endamê Mekteba Serkirdayetî Îmad Ehmed jî amade bûn, Serok Bafil Celal Talebanî balkişand li ser stratejiya YNKê ya piştî kongreya pêncemîn û wiha got: Emê têkiliyên xwe ji nû ve birêxistin bikin bi welatên Erebî re, bi taybetî Misirê re, ji bo berjewendiyên herî bilind ên gelê Kurd pêş bixin. Têkilî û dostaniya ku Serok Mam Celal bi welatên Rojhilata Navîn re çêkiriye em ê hîn zêdetir pêş bixin. Daxwaz ji nûnerê YNKê li Misirê kir ku bi bernameyeke bihêztir kar birêxistin bikin û erkên xwe pêk bînin.

Her wiha di civînê de li ser ji nû ve birêxistinkirina erkên rêxistinî li welatên erebî hat gotûbêjkirin û biryar hat dayîn ku pêwendiyên dîplomatîk zêdetir pêşve bibin û dostaniyan jî kûrtir bikin.

PUKMEDIA