Xanima Yekem a Iraqê: Emê piştgiriya jin û keçên Êzdî bikin

Ofîsa Ragihandinê ya Xanima Yekem a Iraqê

Xanima Yekem û Cîgirê Balyozê Brîtanya li Iraqê

Xanima yekem a Iraqê Şanaz Îbrahîm Ehmed pêşwaziya Cîgirê Balyozê Brîtanya li Iraqê Rosie Keefe kir.
Di hevdîtinê de ku roja 16-1-2024 li Koşka Selam a Bexdayê hat lidarxistin, xanim Rozî dilgiraniya xwe û hevxemiya xwe ji bo xanima yekem ji bo êrişên şeva duşemê li ser parêzgeha Hewlêrê nîşan da û di encamê de çendîn kes bûne qurabanî.
Di civînê de rewşa jinan di bin siya guhertinên ku welat tê re derbas dibe, bi taybet bandora şer, tundî û zordariya hêzên tarî li ser jinan hate gotûbêjkirin.
Di vê çarçoveyê de Xanima yekem got:  “Em ê piştgiriya jin û keçên êzidî yên rizgarbûyî  dikin, ji bo derbaskirina  rewşa perîşana derûnî ya nehevseng a ku pê re rû bi rû mane, ji ber ku di cîhanê de rastî herî zêde êş û neheqiyê hatine.’’
Di vê derbarê de Cîgirê Balyozê Berîtaniyayê amadehiya welatê xwe ji bo alîkarîkirina jinên iraqî bi giştî û êzdiyan bi taybetî ji bo avedankirin û vegerandina wan bo civakê nîşan da.
PUKMEDIA