Yekîtî dixwaze li Herêmê hêzeke niştimanî ya bihêz ava bike

Kurdistan 12:17 PM - 2024-01-10

Pêşmerge

Yekîtiya Niştimanî ya Kurdistanê hewl dide û bi hemû hêza xwe kar dike ji bo yekxistina hêzên Pêşmerge û avakirina hêzên niştimanî yên bihêz ji bo parastina Herêma Kurdistanê ji her metirsî û hereşeyek ku rûbirûyê wê bibe.

Serok Bafil Celal Talebanî: Em dixwazin hêzên netewî yên bihêz ava bikin

Serokê Yekîtiya Niştimanî ya Kurdistanê Bafil Celal Talebanî di civînekê de ligel şandeke hêzên hevpeymaniya navdewletî ya bi serokatiya Fermandeyê Giştî yê hêzên hevpeymaniya navdewletî li Êraqê General Joel Fowell tekez kir ku hewlên yekxistina hêzên hevpeyman berdewam in.
Serok Bafil Celal Talebanî got: Em berdewam in li ser hewlên xwe bo bidestveanîna vê armanca bilind û em dixwazin hêzeke niştimanî ya bihêz li ser bingehê hevsengî û wekheviyê ava bikin û her vînake ji derveyî vê mebestê red dikin û naxwazin berjewendiyên hizbî têxin nav dosyaya netewî.

Qubad Talebanî tekezî li ser berdewamiya proseya çaksaziyê di Hêzên Pêşmerge dike

Qubad Talebanî Cîgirê Serokwezîrê Herêma Kurdistanê li bajarê Hewlêrê pêşwaziya şandeke pilebilind a hêzên hevpeymaniya navdewletî bi serokatiya General Joel Fowl Fermandeyê Giştî yê Hêzên Hevpeymaniya Navdewletî li Êraqê kir.
Di hevdîtinê de behsa çaksaziya di Wezareta Pêşmerge de hat kirin û di vê derbarê de Talebanî tekez li ser berdewamiya proseya çaksaziyê di nav Hêzên Pêşmerge de bi awayê ku hatiye plankirin kir. Cîgirê Serokwezîrê Herêmê balkişand li ser giringiya cîbicîkirina xalên proseya çaksaziyê û birêxistinkirina hêzên Pêşmerge û piştgirî û alîkariyên Hevpeymaniya Navdewletî ji bo Pêşmerge bilind nirxand.

Hewlên Yekîtiya Niştimanî bo yekkirina Hêzên Pêşmerge berdewam e

Berdevkê hêzên 70 Lîwa Ehmed Latîf ji PUKMEDIA yê re ragihand ku Yekîtiya Niştimanî ya Kurdistanê di hewlên ji bo yekkirina hêzên pêşmerge de berdewam e û di wê ware de gavên cidî avêtiye , got jî Serkirdayetiya hêzên 70 gelek hêz vakiriye û veguhastiye ser wezareta pêşmerge di bin sêwana wezaretê de.

Serok Bafil hewla yekxistina Hêzên Pêşmerge dide

Ehmed Latîf dibêje: Serokê Yekîtiya Niştimnaî ya Kurdistanê Bafil Celal Talebanî ji me re pêşniyar dike û bi berdewamî me han dide ku hewlên xwe bidin bo aktîvkirina hêzên Pêşmerge û bileztirkirina yekkirina pêşmerge û heta niha 29 lîwayên me hene hatine yekxistin û bo wezareta pêşmerge hatine veguhestin. Hêzên hevpeyman hertim hewlên Yekîtiya Niştîmanî ya Kurdistanê bo yekxistina hêzên pêşmerge û hewl û baldariya wan ya berdewam bo cîbicîkirina vê armancê bilind dinirxînin.

 

Avakirina hêzeke neteweyî

Cîgirê Serokê Komîteya Pêşmerge di rûniştina pêncem a Parlamentoya Kurdistanê de Osman Kerîm Siwara ji PUKMEDIA re ragihand: Serok Bafil Celal Talebanî bi hemû hewlên xwe hewl dide hêzên Pêşmerge bike yek û hêzeke hikimranî niştimanî li Herêma Kurdistanê ava bike.
Got jî: Yekîtiya Niştimanî ya Kurdistanê gelek lîwa amade kirine û ketine bin sîwana Wezareta Pêşmerge û kar di vê derbarê de berdewam in.

Pêwîstiya Herêma Kurdistanê bi hêzên yekgirtî yên netewî heye

Osman Kerîm Siwara dibêje: Di qonaxa niha de gelek metirsî li ser Herêma Kurdistanê hene û tenê bi rêya hêzên yekgirtî yên niştimanî dikarin biparêzin û rûbirûyê metirsî û metirsiyan bibin.
Got jî: hêzên hevpeymanîya navdewletî dixwazin hêzên pêşmerge bikin yek û hêzên niştîmanî yên yekgirtî bin û destxweşî li hewlên Yekîtîya Niştîman û pêngavên berdewam yên yekxistina hêzên pêşmerge dikin.
 
PUKMEDIA

PUKMEDIA