Serokatiya Komar: Binpêkirina baregeha ewlehiyê binpêkirina serweriya Êraqê ye

PUKMEDIA

Serokkomar

Serokatiya Komara Êraqê îro Pênşemê 4-1-2024ê êrişa baregeha ewlehiyê li paytext Bexdayê ku di encamê de hejmarek şehîd û birîndar ketin, şermezar kir.

Di daxuyaniya serokatiyê de wiha hat gotin:
Serokayetiya Komarê bi tundî ew êrişa ku baregeheke ewlehiyê li Bexdayê kir armanc şermezar dike, ku di encamê de hejmarek şehîd û birîndar ketin.
Ev êrîş destdirêjî û binpêkirina serwerî û ewlekariya Êraqê ye, binpêkirina eşkere ya peywendiyên di navbera Êraq û hevpeymaniya navdewletî û binpêkirina hebûna hevpeymaniyê a ji bo pêkêşkirina alîkariyê ji Hêzên Ewlekariyê re.
Êraq hişyariyê dide ji ber berdewambûna aloziyan li navçeyê ku dê derfetên aştî û aramiyê li wir têk bibe, ew daxwaz dike ku giringiyê bi zimanê diyalog û têgihiştinê bê dayîn û rêyên ji bo bidawîkirina alozî û qeyranên di navbera hemû aliyan de bê dîtin.

Dilovaniya Xwedê li şehîdan û cansaxî ji birîndaran re.


PUKMEDIA