Harem Kemal Axa: Li firokexaneyên Silêmanî û Erbetê ti hebûna biyaniyan nîne

Kurdistan 11:52 AM - 2023-10-31

Harem Kemal Axa

Serokê firaksiyona Yekîtiya Niştimanî ya Kurdistanê Harem Kemal Axa tekez kir, ku firokexaneyên Silêmanî û Erbet tenê ji bo mebestên sivîl tên bikaranîn û ti hebûna leşkerî li her du firokexaneyan nîne.
Endamê Lijneya Asayîş û Berevaniyê ya Parlamentoyê Harem Kemal Axa di daxuyaniyeke taybet de ji PUKMEDIA yê re ragihand: Gelek komîteyên parlamentoyê û hikûmetê serdana firokexaneyên Erbet û Silêmaniyê kirin û raportên xwe derbarê bombebarankirina her du firokexaneyan pêşkêşî Komîteya Asayîş û Berevaniyê û  Serokatiya Meclisa Nûneran kirin.

Binpêkirina eşkere ya serweriya Iraqê

Nûner Harem Kemal Axa got jî: Tişta ku li dijî firokexaneyên Erbet û Silêmaniyê qewimî, binpêkirina eşkere ya serweriya Iraqê ye û hemû belge nîşan didin ku êrîşa li ser serweriya Iraqê ne rewa ye û me daxwaz ji hikûmeta federal kir ku pêwîste Turkiye dest ji van êrîşan berde, ji ber ku jiyana mirovan dikevin xeterê.
Got jî: Em berdewam in li ser hewlên xwe bo rawestandina van êrîşan, û serdana Şêwirmendê Asayîşa Nîştîmanî ya Îraqê birêz Qasim El-Erecî bo Silêmanîyê giringîya xwe heye û dîyar kir ku berdewamkirina van kiryarên ne destûrî ye û  binpêkirina serweriya Iraqê ye.

Li her du balafirgehan kesên biyanî tune ne

Endamekî komîteya asayîş û berevaniyê dibêje: Me wekû  komîteya asayîş û berevaniyê serdana firokexaneyên Silêmanî û Erbetê kir û çend caran tîmên hikûmetê serdana her du firokexaneyan kirin û hemû rastî ji hikûmeta federal re eşkere bûn ku ev mijar siyasî ne ,  binpêkirina serweriya Iraqê ye , ne rewa ne ,  ti hebûna biyaniyan li wan her du firokexaneyan nine  û divê hemwelatî bên parastin ji metirsiyên  bombebarankirinê dubare.
PUKMEDIA