Herêma Kurdistanê û Bexdayê li ser mûçeyan hemfikir bûn

PUKMEDIA

Narmîn Merûf

Şanda Hikûmeta Herêma Kurdistanê bi amadebûna her du wezîrên darayî yê Kurdistanê  û Iraqê ligel Komîteya Darayî ya Parlamentoya Iraqê civiya, endamekî lijneyê ragihand: "Di civînê de têgihîştina gelek baş hebû.’’
Endama Lêjneya Darayî ya Parlamentoya Iraqê li ser navê Fraksiyona YNKê Narmîn Merûf ji malpera fermî ya YNKê PUKMEDIA re ragihand:  “Civîna îro ya şanda Herêma Kurdistanê ya bi amadebûna her du wezîrên darayî û Komîteya Darayî ya Parlamentoya Iraqê erênî bû û têgihiştineke baş li ser lîste û xerciyên mûçeyan hebû.’’
"Herdu alî li ser wê yekê hemfikir bûn ku pirsa mûçeyên karmendan li ser bingeheke destûrî were çareserkirin, di bin çavdêriya Desteya Çavdêriyê ya hemû karmendên sivîl û leşkerî û mûçeyên xanenişînan." Narmin Meûf wiha dibêje.
Îro 18-10-2023, şanda Hikûmeta Herêma Kurdistanê û Wezîrên Darayî yên Iraqê û Kurdistanê  li gel Komîteya Darayî ya Encûmena Nûnerên Iraqê civiyan û encamên kar û xebatên 2 mehên borî ji bo Komîteya Darayî hatin pêşkêşkirin û bi berfirehî hat gotûbêjkirin.
PUKMEDIA