Di nebûna destûr de... sîstemeke îdarî ya aloz li Herêmê
Kurdistan 12:01 PM - 2023-10-12Herêm di nebûna destûr de
Cîgirê Serok wezîrê Herêma Kurdistanê Qubad Talebanî tekezî
li ser pêwîstiya hebûna destûreke taybet ji bo Herêma Kurdistanê kir ku tê de desthilatên
Herêma Kurdistanê bên diyarkirin.
Qubad Talebanî di semînarekê de ku di çarçoveya beşdariya
li Dîdara Mêrî de hat lidarxistin got: Ji ber neqanûnîkirina destûrê ji bo
herêmê, me sîstemeke îdarî ya aloz û ne diyar heye, wek mînak desthilata
parêzgar nehatiye diyarkirin.
Destûr ji bo Herêma Kurdistanê gelekî girîng eEndamê Encumena Serkirdayetiya Yekîtiya Niştimanî û endamê Komîteya Yasayî di civîna pêncem a Parlamentoya Kurdistanê de, Ebas Fetah di daxuyaniyeke taybet de ji PUKMEDIA re ragihand: Bê guman destûr ji bo Kurdistanê gelekî girîng e. ji ber ku eger destûra me ya xweser hebûya, ji bo çareserkirina pirsgirêkên me pêwîstî bi çûyîna Dadgeha Federalî tinebû.
Got jî: Destûr ew e ku desthilat û erkên me ronî dike û hemû pirsgirêkên din û cudahiyên li Herêma Kurdistanê hene, ji ber nebûna destûrê derketine.
Birêxistinkirin û avakirina saziyanEbas Fetah dibêje: Eger destûra me hebûya, me dikarîbû di çarçoveya vê destûrê de saziyên xwe birêxistin û avabikira û nebûna destûrê jî pirsgirêk û valahiyeke mezin ya yasayî ji me re çêkir.
Got jî: Nabe Destûra Herêma Kurdistanê binpêkirina Destûra Êraqê bike, û Destûra Herêma Kurdistanê wê rê li gelek tiştên ku li Herêma Kurdistanê qewimîn bigirta ku lidijî destûra Êraqê bû.
Li dijî derxistina hin qanûnan nerazîbûnEbas Fetah dibêje: Hin alî dixwestin destûrek li Herêma Kurdistanê çênebe, ji bo ku ew tişta ku dixwazin bikin bikin û ligor xwe desthilatan bikar bînin.
Got jî: nebûna destûr hişt ku hinek aliyên siyasî ji bo berjewendiyên xwe yasayan derxin wek dirêjkirina dema parlamentoya Kurdistanê û hikûmeta herêma Kurdistanê û heta dirêjkirina dema serokatiya herêma Kurdistanê jî. Destûra me ya bingehîn heba ev pirsgirêk cênedibûn.
Lihevkirin û lihevhatin bên parastin
Nivîskar û rojnamevan Adalet Ebdullah di daxuyaniyeke
taybet de ji PUKMEDIA re dibêje: Destûr ji bo Herêma Kurdistanê gelekî girîng e
ji ber ku jiyana siyasî, îdarî û aborî bi rêk û pêk dike.
Got jî: Destûr di ser hemû yasayan re ye û parlamentoya
Kurdistanê nikare ti qanûnek ku berevajî Destûra Herêma Kurdistanê derbikeve û
rê nade ti hewlekê ji bo danîna ti yasayekê li ser piransîpa piranî û
kêmîneyan. Lihevhatin û yekdengî di navbera hemû aliyên siyasî yên Parlamentoya
Kurdistanê de diparêze.
Desthilat û erkan diyar bikin
Adalet Ebdullah dibêje: Di vê destûrê de desthilatên
curbicur, cure û sîstema siyasî û maf û erkên Herêma Kurdistanê diyarkirin dike
û ji ber wê jî ez piştevaniya wê nêzîkatiyê dikim ku pêwîstiya hebûna destûreke
taybet ji bo Herêma Kurdistanê piştrast dike.
Got jî: Piştî lidarxistina hilbijartinên civata parêzgehan
û hilbijartinên parlamentoya Kurdistanê, em dikarin zextê li ser qanûna
bingehîn ya herêma Kurdistanê bikin ku bi hemahengî û lihevkirin di navbera
hemû alîyên sîyasî de be, ji ber ku destûr faktorek e bo komkirina alîyên
sîyasî.
PUKMEDIA
hewal ziyatr
-
Encumena Nûneran dê hefteya bê serokê xwe hilbijêre
04:50 PM - 2024-05-09 -
Hêzên Dijî Terorê û Koalîsyonê 3 terorîst girtin
11:40 PM - 2024-05-08 -
Serok Bafil ji Dengê Amerîka re got: Hêzên Amerîkî yekser ji Îraqê dernakevin
10:58 PM - 2024-05-08 -
Daxwazên bazirganên bazara Qeyser li Hewlêrê rewa ne
09:22 PM - 2024-05-08
zêdetir tamaşe bike
Kurdistan 09:52 PM - 2024-05-09 Qubad Talebanî: Astengkirina hilbijartinan paşeroja welatê me dixe ber çarenivîseke ne diyar
Qubad Talebanî: Paşxistina hilbijartinan zirarê dighe pêgeha Herêmê
07:40 PM - 2024-05-09
Serok Bafil: Têkiliyên me bi welatan re ji bo bidestxistina berjewendiyên neteweyî ne
04:39 PM - 2024-05-09
Berpirsê navenda yasayî: Nêta Partî paşxistina hilbijartinan e
10:28 AM - 2024-05-09
Serok Bafil: Baweriya min bi diyaloga bi dijminan re heye
09:08 PM - 2024-05-08
zortrin xwendraw
-
Berpirsê navenda yasayî: Nêta Partî paşxistina hilbijartinan e
Kurdistan 10:28 AM - 2024-05-09 -
Qubad Talebanî: Astengkirina hilbijartinan paşeroja welatê me dixe ber çarenivîseke ne diyar
Kurdistan 09:52 PM - 2024-05-09 -
Qubad Talebanî: Paşxistina hilbijartinan zirarê dighe pêgeha Herêmê
Kurdistan 07:40 PM - 2024-05-09 -
Serok Bafil: Têkiliyên me bi welatan re ji bo bidestxistina berjewendiyên neteweyî ne
Kurdistan 04:39 PM - 2024-05-09 -
Encumena Nûneran dê hefteya bê serokê xwe hilbijêre
Kurdistan 04:50 PM - 2024-05-09