Peyama Serok Bafil Talebanî bi boneya serketina kongreyê

Nivîsgeha rojnamebanî yê serok

Serok Bafil

Serokê Yekîtiya Niştimanî ya Kurdistanê Bafil Celal Talebanî di peyamekê de wiha got: “Ji îro pê ve em hemû bi ruhê Yekîtiyayî, bi sûdwergirtina ji ezmûna çend salên têkoşînê dêrînên me, bi enerjiya ciwanên xwe yên afirîner, bi nûjenî di karê xwe de û lihevkirin di biryarên xwe de, emê qonqxeke nûh yê karê hizbî û rêxistinî dest pê bikin binûhkirin di kar û lihevkirin di biryar de YNK  bihêztir bikin û hewl bidin ku xizmeta ax û gelê xwe bikin.”

Naveroka peyama Serokê YNKê...

Bi navê Xweda yê mezin û dilovan

Gelê Kurdistanê yê hêja
Yekitiyê serbilind, malbatên şehîdan, pêşmergeyên qehreman, şervanên şoreşa nû, leşkerên kêmendam û girtiyên siyasî

Dixwazim spasiya we hemûyan bikim ku bi coş û dilsoziyeke herî mezin kar ji bo encamdana kongreya pêncem a Yekîtiya Niştimanî ya Kurdistanê û biserxistina vê armanca dîrokî ku destpêkeke nû û girîng e bo xizetkirina xelkê me.

Ji îro û pê ve em ê hemû bi rihê yekitiyê, bi sûdwergirtina ji ezmûnê bi salan a têkoşerên xwe yên dêrîn, ji enerjiya ciwanên xwe yên afirîner û xwîngerm dest bi qonaxeke nû ya xebata partî û rêxistinî bikin, û bi nûbûn di karê xwe de û lihevkirin di biryarên xwe de, emê YNKê bihêztir bikin û hewl bidin ku xizmeta ax û gelê xwe bikin.

Me îro bi hev re sersaxiyê li giyanê şehîdan, rêberê xwe Serok Mam Celal û hemû rêberên rihmetî dikin û em soz didin xelkên xwe ku yekîtî wek çawa berê xebat û têkoşîn dikir wê di paşerojê de wê bibe avakerê dewlemendiyê û pêşdebirê qadên cuda yên civakê. Em ji gel hatine afirandin û em ê dilsozê vê rabirdûyê bin.
Ezê sud ji vê derfetê werbigrin û spasiyên xwe pêşkêşî Encûmena Serkirdayetiya berê bikim ku bi dilsozî erkên xwe bi cih anîn û di derbaskirina pirsgirêk û zehmetiyan de bi ser ketin, her weha pîrozbahiyê jî pêşkêşî Encûmena Serkirdayetiya nû dikim û hêvî dikim ku bi hemû hêza xwe kar bikin ji bo parastina nêzîkatiya Serok Mam Celal û yekîtiya me. Hemû rêhevalên ku niha li derveyî encumena serkirdayetî ne, birayên min û rêhevalên min in û em ê bi hev re xebatên xwe ji bo pêkanîna armancan bidomînin.
Yekîtiya Niştimanî xwe ji tu kesî dûr naxe û şanaziyê bi hemû endam û alîgirên xwe dike û deriyên wê jî ji bo hemû kesên ku dixwazin di nava refên vê partiyê de têkoşer bo Kurdistanê têbikoşin vekirî ye.
Her wiha spasiyên xwe pêşkêşî hemû têkoşerên dilsoz dikim ku di qonaxên curbicur ên rêya Yekîtiya Niştimanî de tu carî dest ji xizmetkirina rêya şehîdan û yekîtiya wan bernedan û beşeke mezin ji parastin û pêşxistina Yekîtiyê de bûn û em dê tu carî rol û bandora wan ji bîr neke.
Hêvî dikim ku her kes dilniya be ku Yekîtiya Niştimanî ya Kurdistanê dê bi heman dilsozî û bi siyaseteke guncaw û nûjen ji bo bidestxistina berjewendiyên neteweyî û niştimanî li ser xebata xwe berdewam be û ji bo bidestxistina mafên gelê Kurdistanê têbikoşe. Baweriya me bi hemahengî û karê hevbeş li gel hemû hêz û aliyên siyasî heye, em dixwazin hemû di nav herêmeke aram de kar bikin bo pêşkêşkirina xizmetguzariyên zêdetir û avakirina paşerojeke geş.
Dûrbûn û belavbûn xizmeta me nake, û ferzkirina îradeya taybetmendiyê rewşê hîn zêdetir xerabtir dike, lewra ez hêvî dikim ku em hemû ji bo çarenivîsa xwe ya hevpar bi berpirsyarî tevbigerin û em têkoşîn bikin û dîrokeke tijî serbilindî tomar bikin.
Her wiha we dilniya dikim ku Yekîtiya Niştimanî ya Kurdistanê bi nêrîn û stratejiyeke bihêz, siyasetek bi şirîkatî û parastina aştî û pêkvejiyanê dê siyaseta xwe li Bexdayê bişopîne û bê guman Serok Mam Celal damezrênerê vê siyasetê ye. û em bi serbilindî li ser heman rêyê dimeşin, û em piştgirî û piştevaniya dostên xwe yên li Bexdayê ji bîr nakin, ku ji bo bidest xistina mafên kurdan bûne alîkar.
Ji bo parastina asayîş û aramiya salona konferansê di rojên lidarxistina kongreyê de spasiyê pêşkêşî hêzên Pêşmerge, Dije-Teror, komando, asayîş, operasyon, polîs û trafîkê dikim.
Ez spasiya ked û xebata hemû rojnamevan û saziyên ragihandinê dikim ku di rojên derbasbûyî de li gel me bûn û peyamên kongreyê pêşkêş kirin.
Her wiha ez lêborîna xwe ji xelkê bajarê Silêmaniyê dixwazim, eger di rojên kongreyê de me ew bêzar kirin yan jî barekî giran li wan kir, hûn gelê me ne û em vê rewşê ji bîr nakin.
Her tim şad û bextewar bin

PUKMEDIA