Amerîka êrîşa li ser firokexaneya Erbet şermezar kir

PUKMEDIA

Balafirgeha Erbet

Balyoza Amerîka li Iraqê Alina Romanowski êrîşa li ser firokexaneya Erbet şermezar kir û sersaxî ji malbatên qurbaniyan re xwest.
Balyozê Amerîka li ser Twitterê got: "Em êrîşa li ser firokexaneya Erbet li parêzgeha Silêmaniyê şermezar dikin. Em piştgiriya xwe ji bo rêzgirtina li serwerî û yekparçeyiya Iraqê ku şert û mercên aramî û ewlehiya welat in, dubare dikin."
Her wiha got:"Em sersaxiyê ji kesên ku di vê êrîşê de xizmên xwe ji dest dane re dixwazin."

//

Di daxuyaniya Rêveberiya Giştî ya Dijî Terorê ya Kurdistanê_CTG hatibû:’’Duh duşemê 18/9/2023 piştî nîvro firokexaneya Erbet a Çandiniyê ya Silêmaniyê bi firokeyeke bê firokevan bû armanca êrişên dagirker û neyarên aramî û ewlehiya Herêma Kurdistanê ku mixabin 3 rêheval û pêşmergeyên  Qehremanê Dij Terrorê  şehîd bûn û 3 jî birîndar bûn.’’
Her wiha Rêveberiya Giştî ya Dijî Terorê ya Kurdistanê got:’’ Em sersaxiyê ji şehîdên hevalên xwe re dixwazin û ji birîndaran re jî şifayê dixwazin. Em dixwazin ji her kesî re diyar bikin ku me lêkolînekî  berfireh li ser vê tawana terorîstî ya ku ji aliyê xizmetkarên biyanî û sîxurên xwecihî ve hatiye kirin, bê ceza namîne û her aliyek û sîxurekî ku alîkariya wan bike dê rûbirûyê ceza, yasa û wijdanê miletê me bibe û tolhildana şehîdên me erkê me ye û em rê nadin xwîna wan a geş bi erzanî biçe.’’
PUKMEDIA