Stran Ebdullah: Kongre dê bibe kevneşopiyek di nava YNKê de

Kurdistan 05:21 PM - 2023-08-23

Stran Ebdullah

Endamekî  Mekteba Siyasî ya YNKê ragihand,Mekteba Siyasî ya Yekîtiya Niştimanî ya Kurdistanê (YNK) biryar da ku di meha Îlonê de kongreya xwe ya pêncemîn lidar bixe û got:"Di kongreyê de dê bernameya partiyê biguhere û serkirdayetiya nû were hilbijartin. Ji niha û pê ve lidarxistina kongreyan bi navê YNKê dê bibe kevneşopî."
Berpirsê Buroya Ragihandinê ya Yekîtiya Niştimanî ya Kurdistanê (YNK) Stran Ebdullah wiha got:"Serok Bafil di civîna Mekteba Siyasî de ev mijar pêşniyar kir û sedema wê jî destnîşan kir, ku îsal dê erka endamên serkirdayetiyê bi dawî bibe û em li pêşiya hilbijartinên encumenên parêzgehan û hilbijartinên Civata Niştimanî ya Kurdistanê ya sala bê dinêrin. Divê kongre berî hilbijartinan were lidarxistin daku hevdem ligel hilbijartinan nebe."

YNK naxwaze kongre were paşxistin

Her wiha got:“Eger em bixwazin kongreyê bo piştî hilbijartinên encumenên parêzgehan were paşxistin, wê demê emê bi hilbijartinên Parlamentoya Kurdistanê re rûbirû bimînin û divê em careke din wê kongreyê bidin paşxistin , ev yek dê me vegerîne rîtma yekem a kongreyên YNKê ku dereng ,dereng kongire dihat kirin. Ji ber wê jî Serok Bafil pêşniyar kir ku YNK berî hilbijartinên encumenên parêzgehan kongreya xwe lidar bixe, ev yek jî di dîroka YNKê de dibe yekem car kongreyên xwe ne di dema xwe de, lê pêşwext li dar bixe.”

Dîroka kongreyê bi yekdengî hate diyarkirin

Got jî: “Di civînê de komîsyonek bilind ji bo rêkxistina karûbarên kongreya pêncem li gor rêzikên navxwe hate pêkanîn, piştre bi yekdengî rê da YNKê ku beriya hilbijartinên 27-9-2023 xwe nû bike.
Kî dê beşdarî kongreyê bibe?
Derbarê hevalên ku dê beşdarî kongreya pêncemîn bibin Stran Ebdullah wiha got: “Hevalên ku dê beşdarî kongreyê bibin endamên serkirdayetî , Desteya Bilind a Siyasî, endamên berê yên serkirdayetiyê , endamên desteya damezrîner in û Pêşmergeyên sala 1976ê, li gor van pîvanan, nêzîkî 200 endamên herdemî di kongreya bê de ameden e. Di kongreya bê de, yên din jî bi mekanîzmayeke ku ji aliyê hevalên komîteya amadekar, komîta hilbijartinê, navenda lêkolînê û navenda yasayî ve tê pêşniyarkirin, dê bibin endamên kongreyê."

Serkirdayetiya nû wê ware hilbijartin

Berpirsê Buroya Çapemeniya Yekîtiya Niştimanî ya Kurdistanê (YNK) ragihand:"Kongreya pêncem dê rewşa nû ya YNKê û rêveberiya Kurdistan û Iraqê şirove bike , dê kongreyek be ku dê bernameya YNKê biguhere , serkirdetiya nû hilbijêre û li gorî bernameya ku di kongreyê de were pesendkirin, helbet divê bernameya her partiyek rûbirûyê gel be, YNK ku xwe xizmetkarê gel dibîne û dê têkoşîna xwe ji bo xizmetkirina gel bidomîne.’’

Daxwaza lidarxistina kongreyê wê bi demê re pêk were

Ev jî li halekê ye ku lidarxistina kongreyê di dema xwe de xwestek berê ya birêz Mam Celal û komîteya damezrîner e YNKê bû, îro jî  bi serpereştiya Bafil Celal Talebanî serokê  YNKê ev daxwaz tê cîbicîkirin  û wê di nava YNK’ê de vê kevneşopiyê xurt bibe ku  kongreyê di dema xwe de pêk warin.
PUKMEDIA