Cîgir: Pişkê darayî yên Herêma Kurdistanê ne eşkire ye

PUKMEDIA

Encumena Nûneran û pereyên Êraqê

Nûner Cemal Koçer tekez kir ku li gor yasaya bûdceyê hikûmeta Federal divê pereyên darayî ji Herêma Kurdistanê re bişîne.

Endamê Komîteya Darayî ya Parlamentoyê Cemal Koçer di daxuyaniyeke taybet de ji PUKMEDIA re ragihand: Li gorî yasaya bûdceyê, piştî ku qanûna bûdceyê bikeve warê cîbicîkirinê de, divê hikûmeta Federalî destkeftên darayî ji Herêma Kurdistanê re bişîne.
Got jî: Em di komîteya darayî de nizanin şanda hikûmeta herêma Kurdistanê di danûstandinên xwe yên li gel hikûmeta federal de geheşte kûderê, dê çend pare ji herêma Kurdistanê re bê şandin û çi bûye sedem ku herêma Kurdistanê daxwazên şandina petrolê û dahatên deriyên sînorî qebûl bike.
Cemal wiha berdewam kir: Di bûdceyê de hinek made ji bo Herêma Kurdistanê hatine diyarkirin, lê tiştên mayî û hûrgiliyên din girêdayî asta rêkeftina Hikûmeta Herêma Kurdistanê û Hikûmeta Federal e, lê li gorî yasaya bûdceyê, Divê piştî 25ê her mehê xercên Herêma Kurdistanê ji aliyê hikûmeta federal ve bên şandin. Lêbelê, ev destkeftên darayî hêj nehatine sabît kirin.


PUKMEDIA