Talebanî û Balyozê Brîtanya: Divê welatî berdêla nakokiyan nedin
Kurdistan 09:55 PM - 2023-08-08
PUKMEDIA
Cîgirê serokwezîr û balyozê nû yê Brîtanya li Iraqê
Cîgirê Serokwezîr Qubad Talebanî pêşwaziya Balyozê nû yê Brîtanya li Iraqê Stephen Charles Hitchen kir û di wê hevdîtinê de pêşhatên dawî yên siyasî yên Kurdistan û Iraqê û pêngavên dawî yên ji bo çaksaziya Wezareta Pêşmerge gotûbêj kirin.
Qubad Talebanî: Divê pirsgirêk bên çareserkirinDi hevdîtinê de ku îro 08.08.2023 li Hewlêrê bi amadebûna Rosie Cave Konsula Giştî ya Brîtanya li Herema Kurdistanê û Daban Şadala Cîgirê Berpirsê Fermangeha Peywendiyên Derve Hikumeta Herema Kurdistanê birêve çû, Qubad Talebanî pîrozbahiya destbikarbûna Stephen Charles Hitchens wek Balyozê nû yê Brîtanyayê li Iraq kir û hêviya serkeftinê di erkê wî de jê re xwest.
Piştre ronahî xiste li ser nakokiyên navbera Herêma Kurdistanê û Bexdayê û çawaniya çareserkirina pirsgirêkan bi awayekî ku di berjewendiya her du aliyan de be û wî di vî warî de got: “Asayî ye ku nakokiyên siyasî hebin, lê divê welatî berdêla wan nakokiyan nedin ‘’.Her wiha got:“Em dixwazin hemû pirsgirêk li gorî destûra bingehîn bên çareserkirin û her kes ji bo parastina mafên hemûyan li gorî qanûna bûdceyê tevbigere.’’
Talebanî: Em amade ne ku karûbarên Wezareta Pêşmerge baştir birêxistin bikinCîgirê serokwezîr got:“Nebawerî sedema sereke ya piraniya pirsgirêkane di navbera Herêma Kurdistanê û Bexdayê de ye, lewma divê hemû aliyên siyasî hewla vegerandina baweriyê di navbera xwe de bidin da ku paşerojeke baştir ji bo Iraq û Kurdistanê dabîn bikin û pirsgriêkên kombûyî çareser bikin û welatî êdî baca nakokiyên siyasî nedin.’’
Di civînê de behsa proseya çaksaziya li Wezareta Pêşmerge jî hat kirin û Talebanî got: “Em îsrar li ser cîbicîkirin û pêşvebirina pêngavên çaksaziyê di nav Hêzên Pêşmerge de dikin û emê hemû hewlên xwe bidin ji bo ku nakokiyên siyasî û aloziyên heyî bandorê li pêngavên çaksaziyê neke.’’
Her wiha got:“Em amade ne ku kar û barên Wezareta Pêşmerge baştir birêxistin bikin û divê her kes bi berpirsyarî li hember vê rewşê raweste û rê nede ku nakokiyan me vegerîne sifirê.’’
Di dawiyê de jî spasiya alîkariya Brîtanya ji bo Herêma Kurdistanê kir, bi taybetî di warê leşkerî de. Ji aliyê xwe ve Balyozê Brîtanya li Iraqê amadehiya xwe ji bo hemahengî û hevkariyên zêdetir hem ji bo pêşxistina reforman li Wezareta Pêşmerge hem jî ji bo çareserkirina pirsgirêkên di navbera Herêma Kurdistanê û Bexdayê de nîşan da.
PUKMEDIA
hewal ziyatr
-
7 sal bi ser koça dawî Newşîrwan Mistefa re derbas bû
09:56 AM - 2024-05-19 -
74 hejmara heftaneya dîjîtal a Îngilîzî hat weşandin
09:46 AM - 2024-05-19 -
Hêzên Pêşmerge, artêşa Iraqê û hêzên hevpeyman civîneke bilind li dar dixin
09:51 PM - 2024-05-18 -
Encumena Nûneran serokekî nûh hildibjêre
11:27 AM - 2024-05-17
zêdetir tamaşe bike
Qubad Talebanî: Hilbijartin dê bên lidarxistin û YNK dê serkeftinanbi dest bixe
10:01 PM - 2024-05-19
Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike
06:08 PM - 2024-05-19
Salvegera yekemîn hilbijartinên parlamentoyê bi awayekî azad û demokratîk
10:47 AM - 2024-05-19
Nêrweyî: Nûçeya Xebat peyameke îstixbaratê ye
06:27 PM - 2024-05-18
zortrin xwendraw
-
74 hejmara heftaneya dîjîtal a Îngilîzî hat weşandin
Cîhan 09:46 AM - 2024-05-19 -
Salvegera yekemîn hilbijartinên parlamentoyê bi awayekî azad û demokratîk
Kurdistan 10:47 AM - 2024-05-19 -
Qubad Talebanî: Hilbijartin dê bên lidarxistin û YNK dê serkeftinanbi dest bixe
Kurdistan 10:01 PM - 2024-05-19 -
Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike
Kurdistan 06:08 PM - 2024-05-19 -
7 sal bi ser koça dawî Newşîrwan Mistefa re derbas bû
Kurdistan 09:56 AM - 2024-05-19 -
Serok Bafil:Dilê me bi gelê Îranê re ye
YNK 10:10 PM - 2024-05-19