YNK daxwaza mûçe û qerebûkirina girtiyên siyasî li Iraqê dike

PUKMEDIA

Firaksiyona Yekîtiya Niştimanî ya Kurdistanê

Firaksiyona Yekîtiya Niştimanî ya Kurdistanê di civata nûneran de berdewam li ser hewlên xwe bo veguhestina mûçeyên girtiyên siyasî ji herêma Kurdistanê bo Bexdayê kar dike û endamekî wê partiyê jî dibêje: Aliyên Kurdistanî hene ku li dijî vê pirojeyê radiwestin.
Endamê firaksiyona  Yekîtiya Niştîmanî di Meclisa Nûneran de Çro  Hama Şerîf di daxuyaniyekê de ji (PUKMEDIA) re li ser vê mijarê got: “"Me îmzeya nêzîkî 70 parlamenteran kom kir û ji serokatiya parlamentoyê re şand. Me daxwaz kir ku mûçeyê girtiyên siyasî Herema Kurdistanê li Bexdayê bê dayîn. Eger ev yek neyê kirin divê hikûmeta Iraqê qerebûkirina wan bide."
 Parlamenterê Yekîtiya Niştimanî got jî: YNK  hewl dide pirsa mûçe yan qerebûkirina girtiyên siyasî bike proje yasaya û  Civata Nûneran deng li ser bide, di nava Yekîtiya Niştimanî de hejmara herî zêde ya girtiyên siyasî heye lê  partiyên din ên siyasî dijî projeyê radiwestin ."
Yekîtiya Niştimanî ya Kurdistanê hewlên xwe bo xizmetkirina welatiyên Herêma Kurdistanê û cîbicîkirina pêdiviyên wan li Bexdayê zêde dike û di heyamên berê de jî gelek hewl daye ku mûçeyên mamosta û karmendên xwendina Kurdî li Kerkûk û navçeyên nakok li aliyê hikûmeta federal  ve were şandin,hema ev hewldan bi ser neket ji ber nakokiyên di navbera aliyên siyasî û firaksiyonên  Kurdî  de li Parlemena Iraqê.
Hêjayî gotinê ye ku destûra bingehîn a Iraqê maf û lênerîna girtiyên siyasî û tebeqeyên din ên civaka Iraqê yên ku ji ber zilm û zordariya dîktatoriyê li ber çavan girtine, garantî dike, ji ber ku madeya 132 a wê destûrê dbêje: “Dewlet garantiya xemsariya malbatên şehîdan û  Girtiyên siyasî û yên ku ji pêkanînên keyfî yên rejîma dîktatorî ya têkçûyî bandor bûne dike.”
PUKMEDIA