Qubad Talebanî: Naskirina jînosayda li dijî Êzidiyan dê edaletê pêk bîne

PUKMEDIA

Salvegera qirkirina Êzdiyan

Cîgirê Serokwezîrê Herêma Kurdistanê Qubad Talebanî bi boneya salvegera Jînosaydê ku li ser destê rêxistina terorîst a DAIŞê li ser êzîdiyan pêk hat peyamek araste kiriye.

Ev naveroka peyamê ye: Di nehemîn salvegera Jînosayda xwişk û birayên me yên êzîdî ji aliyê terorîstên DAIŞê ve, em bi serbilindî bîranîna bi êş a hemû qurbaniyên wê tawana mezin bi bîr tînin.
Êzidiyan beriya wê jî rastî qirkirin û neheqiyên mezin hatin, sûcê jînosaydê ku ji aliyê DAIŞ’ê ve li dijî wan hat kirin, qonaxa dawî ya wê neheqiyê bû, lê ya ku hêvî dike ev e ku ew vê carê bi tenê neman, belkî hemû Kurd û civaka navneteweyî û mirovahî bi wan re bûn yek û piştgirî dan wan.
Salvegera nehemîn ya vê tawana mezin îsal cuda ye, ji ber ku hikûmeta Brîtanya kete rêza wan welatên ku bi fermî jînosayd li dijî Êzidiyan pejirandine, û ev gaveke mezine ji bo pêkanîna dadperweriyê û parastina Êzdiyan di pêşerojê de.

Em spasiya Hikûmeta Brîtanya û hemû welatên ku ev pêngava pêwîst û girîng avêtine dikin.


PUKMEDIA