Talebanî: Me ji ezmûna Estonya sûd wergirtiye

Ofîsa Ragihandina Qubad Talebanî

Qubad Talebanî, Mesrûr Barzanî, Hanno Pivkor

Cîgirê Serokwezîr Qubad Talebanî û Wezîrê Berevaniyê yê Estonya behsa çawaniya pêşxistina peywendiyên Herêma Kurdistanê di warê leşkerî û şerê li dijî terorê de kirin.
Cîgirê Serokwezîrê Herêma Kurdistanê Qubad Talebanî li ser rûpela xwe ya facebookê wiha got: Me li gel Serokwezîr pêşwaziya Wezîrê Berevaniya Estonya Hanino Pivkor kir û di wê hevdîtinê de çawaniya pêşxistina peywendiyan di warê leşkerî û şerê li dijî terorê de gotûbêj kir.
Her wiha got, di salên borî de Estonya di çarçoveya hevpeymaniya navdewletî ya li dijî DAIŞê de alîkariya û piştgiriya  me dike û di vê çarçoveyê de me daxwaz ji Estonya kir ku piştgiriya xwe ya  bo hêzên Pêşmergeyên Kurdistanê berdewam bike.
Talebanî ragihand:"Me ne tenê di warê leşkerî de, di warê dîjîtalîzekirina karûbarên hikûmetê de jî ji ezmûnên pêşketî yê  ew welata sûd wergirtiye. Me daxwaz kir ku di warên din de jî  têkiliyên xwe xurt bikin."
PUKMEDIA