Serok Bafil:Hewldanên me li ser bidawîkirina pirsgirêkane

Ofîsa Ragihandina Serokê YNKê

Serok Bafil û Fayeq Zêdan

Serokê Yekîtiya Niştimanî ya Kurdistanê Bafil Celal Talebanî li Bexdayê bi Serokê Encûmena Bilinda Dadwerî ya Êraqê Hakim Faîq Zeydan re civiya.
Di hevdîtinê de behsa bihêzkirina dezgehên dadwerî, serxwebûna dadgehan û yekkirina yasayan hat kirin û tekez li ser pabendbûna bi yasayên di warê cîbicîkirina bi armanca parastina mafên hemû netewe û pêkhateyên welat de  hat kirin.
Piştgiriya hewlên niştimanî yên ji bo serxistina bernameya çaksaziyê û çareserkirina pirsgirêkên di navbera Hewlêr û Bexdayê de mijareke dinê vê hevdîtinê bû.
Serok Bafil  di vê derbarê de got: “Hewlên me li ser bidawîkirina pirsgirêkan û derbaskirina astengan in û  daxwaz kir ku jiyana welatiyan nebe qurbaniya nakokiyên siyasî û ji bo vê  Encûmena Bilind a Dadweriyê pêwîste rola xwe bilîze ji bo parastina mafên hemû pêkhateyên Kurdistanê û parastina mafên gelê Kurdistanê  di çarçoveya budceya giştî de li gor ku  hatiye diyarkirin.
PUKMEDIA