Dadgeha Hewlêrê 4 sal cezayê girtîgehê li Şêrwan Şêrwanî birî
Kurdistan 06:22 PM - 2023-07-20
PUKMEDIA
Şêrwan Şêrwanî
Îro pênşemî 20.07.2023, dadgeha Hewlêrê 4 sal cezayê girtîgehê li çalakvan û rojnamevan Şêrwan Şêrwanî ku yek ji girtiyên bajarê Badînan ê girtî ye birî, rojnamevanek jî dibêje: “Ev biryar bi fermana Mesrûr Barzanî hatiye dayîn û ne bi biryara dadgehê ye.
Dadgehê dikaribû cezayê kêm bike
Di vê derbarê de endamê Tîma Berevaniya Girtiyên Badînan Bafil Surcî ji malpera fermî ya Yekîtiya Niştimanî ya Kurdistanê PUKMEDIA re ragihand: Îro dadgeha Hewlêrê bi tometa sextekirina şopa tiliya Şêrwan Şêrwanî bi 4 sal zîndan mehkûm kir, lê dadwer dikaribû ji vê kêmtir ceza lêxista.
Got jî: “Tevî redkirina tomet ji aliya Şêrwan Şêrwanî, lê dadwer guh neda wî û li gor bendên 295 û 298 yên girêdayî bi sextekarîyê, bi 4 sal zîndan mehkûm kir”.
Biryara şexsî li ser biryara dadgehê tê ferzkirin
Şêrwanî ji ber adeteke li girtîgehan hat cezakirin
Nûhkirina ceza li dijî Şêrwan Şêrwanî bo çar salên din, ji ber wê yekê ku girtiyên Badînan berî niha di girtîgehê de, bi mebesta tevlîkirina wan di nav serbestberdanê de daxwaznameyekê ji dozgeriya giştî re şandibûn û bi danîna şopa tiliyên Şêrwan li ser daxwaznameyê Şêrwan Şêrwanî li şûna girtiyek din, 4 sal din zindan lê birîn,Tevî ku wî di rûniştina dadgehê de ev tawan red kir, û di dema ku adetek di zindanan de heye ku tiliya yek ji girtiyan li şûna tiliya yekî din bê îmzekirin di mijarên girêdayî daxwazên wan û ne ji bo mebestên din, lê dadgeha Hewlêrê guh nedaye vê adeta serdest û li gorî bendên 295 û 298ê bi 4 sal zîndanê ceza lê birî.
Piştî derketina biryara dadgehê, malbat û hevalên Şêrwan Şêrwanî li ber avahiya dadgeha Hewlêrê civîneke rojnamevaniyê lidar xistin û tê de çalakvan û rojnamevanê bajarê Badînan Omêd Broşkî ragihand ku “4 sal cezayê girtîgehê ne biryara dadgehê ye, belku biryara Mesrûr Barzanî ye û bi vê yekê jî hate piştrastkirin ku li dijî girtiyan kompiloyeke nû tê amadekirin û got jî heta ku hizra leşkerî Herêma Kurdistanê kontrol dike rewş ber bi başiyê naçe û eger welatiyên Kurdistanê li hember vê neheqiya ku hatiye ragihandin dengê xwe bilind nekin ji bo xatirê çalakvanên Şêrvan Şêrwanî û Badînan, divê her dem çaverê bin ku malbatên wan bi neheqî bên girtin û cezakirin.”
Omêd Broşkî her wiha got, em nebûna serxwebûn û desthilata dadgehên Hewlêrê û destwerdana desthilata dadwerî li herêmê şermezar dikin û daxwaz ji dadgehan dikin ku rola xwe ya rast bilîzin û pabendî fermanên kesekî nebin.
PUKMEDIA
hewal ziyatr
-
Encumena Nûneran dê hefteya bê serokê xwe hilbijêre
04:50 PM - 2024-05-09 -
Hêzên Dijî Terorê û Koalîsyonê 3 terorîst girtin
11:40 PM - 2024-05-08 -
Serok Bafil ji Dengê Amerîka re got: Hêzên Amerîkî yekser ji Îraqê dernakevin
10:58 PM - 2024-05-08 -
Daxwazên bazirganên bazara Qeyser li Hewlêrê rewa ne
09:22 PM - 2024-05-08
zêdetir tamaşe bike
Kurdistan 09:52 PM - 2024-05-09 Qubad Talebanî: Astengkirina hilbijartinan paşeroja welatê me dixe ber çarenivîseke ne diyar
Qubad Talebanî: Paşxistina hilbijartinan zirarê dighe pêgeha Herêmê
07:40 PM - 2024-05-09
Serok Bafil: Têkiliyên me bi welatan re ji bo bidestxistina berjewendiyên neteweyî ne
04:39 PM - 2024-05-09
Berpirsê navenda yasayî: Nêta Partî paşxistina hilbijartinan e
10:28 AM - 2024-05-09
Serok Bafil: Baweriya min bi diyaloga bi dijminan re heye
09:08 PM - 2024-05-08
zortrin xwendraw
-
Berpirsê navenda yasayî: Nêta Partî paşxistina hilbijartinan e
Kurdistan 10:28 AM - 2024-05-09 -
Qubad Talebanî: Astengkirina hilbijartinan paşeroja welatê me dixe ber çarenivîseke ne diyar
Kurdistan 09:52 PM - 2024-05-09 -
Qubad Talebanî: Paşxistina hilbijartinan zirarê dighe pêgeha Herêmê
Kurdistan 07:40 PM - 2024-05-09 -
Serok Bafil: Têkiliyên me bi welatan re ji bo bidestxistina berjewendiyên neteweyî ne
Kurdistan 04:39 PM - 2024-05-09 -
Encumena Nûneran dê hefteya bê serokê xwe hilbijêre
Kurdistan 04:50 PM - 2024-05-09