Encumena Wezîran proje yasaya betalkirina biryarên Partiya Beis pesend kir

PUKMEDIA

Wezîrê Dadê yê Federal Xalid Şiwanî

Xalid Şiwanî wezîrê dadwerî di hikûmeta federal de got ku Encûmena Wezîran ya Federal bi yekdengî proje yasaya betalkirina biryarên Encûmena Serkirdayetiya Şoreşê ya hilweşiyayî di dema rêjîma Beisî ya têkçûyî de pesend kir û dê ji parlamentoyê re bê şandin ji bo dengdanê li ser wê.
Xalid Şiwanî di kongirekî rojnamevanî de got: “Encûmena wezîran îro proje yasaya betalkirina biryarên Encumena Fermandeya Şoreşê ya girêdayî zeviyên çandiniyê li Kerkûkê pesend kir, ku tê de 9 biryar hatin betalkirin, ku li gorî wan, zeviyên çandiniyê yên Kurdan û zeviyên çandî Tirkmenên Kerkûkê ji sala 1976’an û şûnde hatin desteserkirin.”
Û wezîrê dadweriya federalî jî got: “Proje yasaya navborî berî niha ji aliyê Hevpeymaniya Îdareya Dewletê ve di bernameya hikûmetê de hatibû cîbicîkirin û di heyama borî de me gotûbêj û guftûgoyên dirêj derbarê wê de kirin, heta ku me bi hemû aliyan re li ser wê rêkeftin kir. "
Wezîrê Dadê spasî Mihemed Şîa El-Sudanî serokwezîrê Encûmena Wezîran ya Federalî kir û got: "Di vê mijarê de hevkar û piştevanê me bû, bi taybetî di hefteya derbasbûyî de, piştî ku me ew xiste rojeva encûmenê." Ji ber ku zêdetir ji carekê di rojevê de bû û berê hatibû rakirin, ez jî spasiya xwe pêşkêş dikim." Ez  bang li hemû baskên parlementoyê bi taybetî jî baskên Kurdistanî dikim ku deng li ser proje yasayê bidin weke ku di civata wezîran de hat kirin.
Şiwanî amaje bi wê yekê jî kir ku ev proje yasa dê bibe alîkar ji bo çareserkirina pirsgirêkên  mezin ên welatiyan bi taybet cotkarên kurd û tirkmen ên Kerkûk û navçeyên nakok û wiha got: "Qanûn bi awayekî hatiye amade kirin ku ziyanê negihîne ti kesî ti pêkhateyek li wan deveran, da ku kesên ziyandar yan bi dayîna zeviyên din yan jî qerebûkirina darayî bên qerebûkirin.”
PUKMEDIA