Qanûna Budceya Federal dikeve warê cîbicîkirinê

PUKMEDIA

Rojnameya Weqaêi

Îro Duşemê rojnameya Êraqî Weqaê ya ser bi Wezareta Dadê ya Federalî yasaya jimare (13) ya sala 2023 ya “Bûdceya Giştî ya Federalî ya Komara Êraqê bo salên darayî (2023-2024-2025)” weşand.

Bi vî awayî yasaya bûdceya federal piştî ku Serokê Komarê pesend kir û di Rojnameya Êraqê de belav kir, kete ware cîbecîkirinê. Serok Komarê Dr.Ebdul Letîf Cemal Reşîd roja Çarşemê 21.06.2023, yasaya budceya darayî ya giştî ya federalî pesend kiribû.
Serokkomar balkişand li ser wê yekê ku pesendkirina bûdceyê xaleke zivirînê ye bo cîbicîkirina bernameya xwe, ku têde peydakirina pêdiviyên pêwîst ên welatiyan, peydakirina xizmetguzariyên serekî yên weke tendirustî û xwendinê, nûavakirina jêrxanê û destpêkirina pirojeyên giring û stratejî yên ku dê têde bin ku rastiya rojane ya welatiyan bi awayekî erênî nîşan bide.
Cenabê wî amaje bi wê yekê kir ku pêwîste kar hişkirina xerciyên hikûmî û parêzgeh, parastina diravê giştî û pêşvebirin û cudakirina jêderên aborî di demekê de ku welat rûbirûyê kêşeyên aborî û jîngehî bûye.

Serok Komarê her wiha hewlên ji bo pesendkirina bûdceyê ji hemû aliyan ve bi berçavgirtina aliyên girîng ên kargêrî û sermayeguzariyê û dadperweriya li hember girûpên kêm dahat, bi awayekî ku dadperweriya civakî pêk bîne, bilind nirxand.
Êraq piştî gotûbêj û civînên dûr û dirêj di navbera hêzên siyasî û partiyan û baskên parlamentoyê de dest bi mezintirîn bûdceyê kir, ji ber ku bûdce 134 trîlyon û 500 milyar dînar e, ji ber ku pişka Herêma Kurdistanê di wê bûdceyê de dê 20 trilyon dînar be, bi rêjeya (12,67).
Hikûmeta Herêma Kurdistanê salane 9 trîlyon dînar ji pişka xwe ya bûdceyê ji bo mûçeyên karmendan terxan dike.

PUKMEDIA