Balyozê Rûsya: Mosko ji hemû aliyên siyasî yên Êraq û Kurdistanê re vekirî ye
Êraq 12:11 PM - 2023-06-04Balyozê Rûsiya li Êraq
Balyozê Rûsyayê li Êraqê Elbrûs Kotraçev ragihand ku
pêwendiyên Rûsya ligel Êraqê di hemû waran de baş in, bi taybetî di warê
siyasî de, pêwendiyên wê ligel hemû aliyên siyasî û hêzên siyasî yên Êraq û
Herêma Kurdistanê hene û herwiha got: 320 kursî xwendinê ji bo Êraqê terxan
kirin, ji wan 60 kursî ji bo Herêma Kurdistanê.
Kotraşev di dema beşdarbûna xwe di bernameya (Hevdîtina
El-Mesra) ya ku li ser kanala (El-Mesra) li ser têkeliyên aborî tê weşandin,
got: “Rûsya xwedî pêwendiyeke aborî ya pêşkeftî ye û di dirêjahiya dîrokê de bi
Êraqê re xwedî hêviyê ye û da zanîn ku qebareya veberhênanên Rûsyayê di warê neft û gazê de li Êraqê
salane zêdetirî 14 milyar dolar e û Rûsya mezintirîn sermayedarê projeyên neft
û gazê ye, ne tenê li Êraqê, belkî li Herêma Kurdistanê jî, û hewla
berfirehkirina vê hevkariyê dide û wê warên din jî lixwe bigre.
Derbarê hevkariyên leşkerî yên di navbera Rûsya û Êraqê de jî
Kotraşev got, "Pêwendiyên leşkerî yên Rûsyayê bi Êraqê re gelekî pêşketî
ne û piştî ku Rûsya û Êraqê encamên li pêşiya xwe derbas kirin, dê peywendiyên
serbazî di navbera her du aliyan de berfiretir bibin, her çendî ku têkeliyên
serbazî di navbera herdu aliyan de çêbibin. Gelek alî hene ku hevkariya leşkerî
di navbera herdu aliyan de asteng dikin (bêyî ku behsa wê bikin).
Balyozê Rûsyayê yê li El-Mesrayê di derbarê kurdiyên akademîk
ên Êraqê li Rûsyayê jî diyar kir, "Rûsya 320 kursî akademîk ji bo Êraqê
terxan kiriye, ji wan 60 ji bo Herêma Kurdistanê ye.
Pêwendiyên Rûsiya bi Herêma Kurdistanê reDerbarê pêwendiyên Rûsiya ligel partî û hêzên siyasî li Herêma Kurdistanê Kotraşev destnîşan kirk u Rûsiya ji bo hemû partî û hêzên sioyasî li Êraq û Herêma Kurdistanê re vekirî ye, ti dijberên wê tunene, pirsgirêkên di navbera partiyan de bandore li ser pêwendiyên bi Rûsiya re nekin ji ber ku ti aliyekî nadin pêş yê din Tekez jî kir ku, Rûsya bi her du partiyên Yekîtiya Niştimanî ya Kurdistanê û Partiya Demokrata Kurdistanê re peywendiyên baş hene û Rûsya niha di çarçoveya erkên dîplomatîk de bi partiyên nû yên li meydanê re peywendiyan saz dike.
Rola Êraqê di çareserkirina kirîza Rûsya û Ukrayna deBalyozê Rûsyayê li Êraqê li ser rola Êraqê di çareserkirina kirîza Rûsya û Ukrayna de got: Êraq endameke pir çalak û girîng e di nav koma têkeliyên erebî de derbarê kirîza Rûsya û Ukrayna de.
Derbarê metirsîbûna berdewamiya kirîza di navbera Rûsya û Ukraynayê de, Kotraşev diyar kir, “Bi derengketina krîzê yan jî nebûna çareseriyeke siyasî û hebûna tenê çareseriya leşkerî li ser erdê, tirs li ser paşerojê Ukrayna heye.
Derbarê beşdariya Sûriyê di lûtkeya Erebî de ku vê dawiyê li Ciddeya Erebistana Siûdî hat lidarxistin, Kotraşev got: "Beşdarbûna Beşar Esed di lûtkeya Erebî de li Cidde bûyereke dîrokî ya gelekî girîng e, û beşdarbûna wê dê rola xwe di proseya asayîkirinê li Sûriyê û vegerandina aramiyê li seranserê Rojhilata Navîn de hebe. Di derbarê axaftina Volodymyr Zelensky de di serî de ez dibêjim (wek hemwelatiyekî Rûsyayê, ne wekî balyozek) ti qîmeta wî nine.
Êraqî diçin Rûsyayê û berevajîDerbarê tedbîr çûna Êraqiyan bo Rûsyayê û berovajî vê yekê jî, Kotraşev got: “Tedbîr hêsan in, bi kirîna bilêtê û wergirtina vîzeyê, yan ji konsulxaneya Rûsyayê ya girêdayî balyozxaneya li Bexdayê yan jî yek ji du konsulxaneyan li Hewlêr û Besrayê, û pirsê gelek caran pêwîstî bi nameya vexwendinê ji Rûsyayê heye, ji ber ku mixabin gelek Êraqiyên ku vîzeya Rûsî ji bo xwendinê jî wergirtine, û wek derfetek ji bo koçberiya neyasayî bo Ewropayê di rêya axa Rûsyayê re bikar anîne, û got jî ku ev rêkarên ne tenê Êraqî, belku gelek welatî û koçberên Ereb ên ji Asyayê jî di nav de ne.
PUKMEDIA
hewal ziyatr
-
7 sal bi ser koça dawî Newşîrwan Mistefa re derbas bû
09:56 AM - 2024-05-19 -
74 hejmara heftaneya dîjîtal a Îngilîzî hat weşandin
09:46 AM - 2024-05-19 -
Hêzên Pêşmerge, artêşa Iraqê û hêzên hevpeyman civîneke bilind li dar dixin
09:51 PM - 2024-05-18 -
Encumena Nûneran serokekî nûh hildibjêre
11:27 AM - 2024-05-17
zêdetir tamaşe bike
Qubad Talebanî: Hilbijartin dê bên lidarxistin û YNK dê serkeftinanbi dest bixe
10:01 PM - 2024-05-19
Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike
06:08 PM - 2024-05-19
Salvegera yekemîn hilbijartinên parlamentoyê bi awayekî azad û demokratîk
10:47 AM - 2024-05-19
Nêrweyî: Nûçeya Xebat peyameke îstixbaratê ye
06:27 PM - 2024-05-18
zortrin xwendraw
-
74 hejmara heftaneya dîjîtal a Îngilîzî hat weşandin
Cîhan 09:46 AM - 2024-05-19 -
Salvegera yekemîn hilbijartinên parlamentoyê bi awayekî azad û demokratîk
Kurdistan 10:47 AM - 2024-05-19 -
Qubad Talebanî: Hilbijartin dê bên lidarxistin û YNK dê serkeftinanbi dest bixe
Kurdistan 10:01 PM - 2024-05-19 -
Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike
Kurdistan 06:08 PM - 2024-05-19 -
7 sal bi ser koça dawî Newşîrwan Mistefa re derbas bû
Kurdistan 09:56 AM - 2024-05-19 -
Serok Bafil:Dilê me bi gelê Îranê re ye
YNK 10:10 PM - 2024-05-19