Qubad Talebani: Divê hemû aliyên beşdar di hikûmetê de beşdarî biryardanê bibin

Mekteba ragihandinê yê Qubad Talebanî

Qubad Talebanî di civînê de

Cîgirê Serokê Hikûmeta Herêma Kurdistanê Qubad Talebanî pêşwaziya şandeke pilebilind a Amerîkî bi serokatiya Şêwirmendê taybet ê Serokê Amerîka bo karûbarên Rojhilata Navîn û Bakurê Afrîqayê li Encûmena Asayişa Niştimanî Terry Wolf kir û her du aliyan behsa pirsgirêkên navxweyî yên li Herêma Kurdistanê û pêwendiyên di navbera Hewlêr û Bexdayê de kirin.

Di civîna ku li bajarê Silêmaniyê bi amadebûna Emily Barnes berpirsa karûbarên Êraq û Sûriyê li Koşka Spî birêve çû, Cîgirê Serokê Herêma Kurdistanê amaje bi wê yekê kir ku eger em dixwazin desthilateke bihêz hebe divê hemû aliyên beşdar di hikûmetê de beşdarî biryardanê bibin.
Cîgirê Serokwezîrê Herêma Kurdistanê herwiha spasiya berdewamiya palpiştiya Amerîkayê bo Herêma Kurdistanê kir û daxwaza berdewamiya piştevaniya Herêma Kurdistanê li warê geşepêdana aborî û gihandina rêkeftineke demdirêj a berfireh di navbera Hewlêr û Bexdayê de kir.

PUKMEDIA